وزبەكستان ليبەرال-دەموكراتيالىق پارتياسى شاۆكات ميرزيوەۆتى پرەزيدەنتتىككە كانديدات ەتىپ بەكىتتى. بۇل تۋرالى بەيسەنبىدە تاسس-قا پارتيانىڭ ءباسپاسوز قىزمەتىنىڭ وكىلى حابارلادى, دەپ جازادى Egemen.kz.
وزبەكستان ليبەرال-دەموكراتيالىق پارتياسىنىڭ (UzLiDeP) سەزىندە رەسپۋبليكانىڭ قازىرگى باسشىسى شاۆكات ميرزيوەۆ پرەزيدەنتتىككە كانديدات رەتىندە ۇسىنىلدى. ش.ميرزيوەۆ كەلىسىم بەردى.
سايلاۋ 24 قازانعا بەلگىلەنگەن.
«سەزد دەلەگاتتارى ورتالىق كەڭەستىڭ كەزەكتەن تىس پلەنۋمىنىڭ شاۆكات ميرزيوەۆتى پرەزيدەنتتىككە كانديدات ەتىپ ۇسىنۋ تۋرالى باستاماسىن ءبىراۋىزدان قولدادى جانە ءتيىستى قاۋلى قابىلدادى», دەدى ءباسپاسوز قىزمەتىنىڭ وكىلى.