جاپونياعا قاۋىپتى «چانسۋ» تايفۋنى جاقىنداپ كەلەدى, دەپ حابارلايدى Egemen.kz.
جاپونيانىڭ باس مەتەورولوگيالىق اگەنتتىگى وكيناۆانىڭ وڭتۇستىك پرەفەكتۋراسىنا قاۋىپتى «چانسۋ» (تيانسۋ) تايفۋنى جاقىنداپ كەلە جاتقانىن حابارلادى.
«وڭىردە جەل كۇشەيىپ, جاۋىن جاۋادى دەپ كۇتىلۋدە. وتە قاۋىپتى دەڭگەيگە كوتەرىلگەن تايفۋن قازىرگى ۋاقىتتا ءفيليپپيننىڭ شىعىسىندا», دەپ تۇسىندىرەدى اگەنتتىك.
بولجام بويىنشا, تايفۋن جاقىن كۇندەرى باتىس-سولتۇستىك-باتىسقا, جاپونيانىڭ وكيناۆا پرەفەكتۋراسىنا قاراي 20 كم/ساع جىلدامدىقپەن جىلجيدى. داۋىل ورتالىعىنداعى قىسىم 935 گەكتوپاسكال, جەلدىڭ جىلدامدىعى 55 م/س, ەكپىنى - 75-كە دەيىن بولادى دەپ بولجانعان.
ماماندار سۋ تاسقىنى مەن كوشكىن بولۋى مۇمكىن ەكەنىن ەسكەرتىپ, ادامداردى ساقتىق شارالارىن ساقتاۋعا جانە جاعالاۋ تۇرعىندارىن تەڭىزگە شىقپاۋعا شاقىردى.