تۇركىستان وبلىسىندا جەدەل رەسپيراتورلى ۆيرۋستىق ينفەكتسياعا شالدىققان بالالاردىڭ سانى كوبەيدى. بيىلعى جىلدىڭ 8 ايىندا 7 مىڭعا جۋىق بالا وسى ۆيرۋستى جۇقتىرىپ, وتكەن جىلمەن سالىستىرعاندا اۋرۋشاڭدىق 43%-كە ارتقان, دەپ جازادى Egemen.kz.
ونىڭ ىشىندە 14 جاسقا دەيىنگى بالالار اراسىنداعى جاعداي كۇردەلەنە تۇسكەن. ەپيدەميولوگ ماماندار جەدەل رەسپيراتورلى ۆيرۋستىق ينفەكتسيا مەن كوروناۆيرۋس ينفەكتسياسىنىڭ سيمپتومدارى وتە ۇقساس كەلەتىنىن ايتادى. سوندىقتان ماماندار كۇز مەزگىلىندە ۆيرۋستى ينفەكتسيالاردىڭ ءورشيتىن كەزەڭى بولاتىندىقتان الدىن الا مىندەتتى تۇردە پروفيلاكتيكالىق ەكپە الۋ قاجەتتىگىن ەسكەرتەدى.
«قازان ايىنان باستاپ حالىقتىڭ 15 پايىزىنا تەگىن گريپپكە قارسى ەگۋ جۇمىستارى جۇرگىزىلەدى. قازىر وبلىستا رەسەيدە وندىرىلگەن گريپادول ۆاكتسيناسىنىڭ 300 مىڭنان استام دوزاسى بار. الايدا اتا-انالاردىڭ ءبارى مۇقيات بولۋى كەرەك. ەگەر بالا سۋىقتاعان جاعدايدا ۇيدە ءوز ەركىمەن ەمدەمەي مىندەتتى تۇردە دارىگەرگە قارالىپ, بالالار دارىگەرىنىڭ ەم-دومىن قابىلداۋى ءتيىس», دەدى وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى نۇربەك نىشانوۆ.