«اق جول» دەموكراتيالىق پارتياسى ۇلتتىق كەڭەسىنىڭ پلەنۋمى «اق جول» دەموكراتيالىق پارتياسىنىڭ پارتيالىق ءتىزىمى بويىنشا VII سايلانعان قر پارلامەنتى ءماجىلىسى دەپۋتاتىنىڭ بوساتىلعان مانداتىن 27 جاستاعى كاسىپكەر عاني حامزينگە بەرۋ تۋرالى شەشىم قابىلدادى, دەپ حابارلايدى Egemen.kz.
بۇل روتاتسيا بۇرىن ءوز وتىنىشىمەن ورنىن بوساتقان دەپۋتات ازات سەمبينوۆتىڭ ورنىنا جۇرگىزىلدى.
عاني حامزين 1994 جىلى دۇنيەگە كەلگەن, ماسكەۋ بولات جانە قورىتپالار ينستيتۋتىنىڭ (ميسيس) تۇلەگى, ينجەنەر-مەتاللۋرگ. ەڭبەك جولىن پاۆلودار وبلىسىنداعى تاۋ-كەن مەتاللۋرگيا كاسىپورنىندا تەحنولوگ بولىپ باستادى.
سودان كەيىن جەكە بيزنەسكە اۋىسىپ, ينجينيرينگ, تەحنيكالىق قاداعالاۋ جانە جوبالاردى باسقارۋ سالاسىندا جۇمىس ىستەيتىن «ستروينتەگراتسيا» جشس باسقارۋدا. كومپانيا قازاقستاننىڭ بىرنەشە وبلىستارىندا نىسانداردى ءساتتى دامىتىپ, ىسكە اسىرۋدا.
عاني حامزين «اق جول» دەموكراتيالىق پارتياسى جاستار قاناتىنىڭ بەلسەندى قاتىسۋشىسى.
بۇل شەشىم قر ورتالىق سايلاۋ كوميسسياسىندا تىركەۋدەن ءوتۋى كەرەك.