باتىس-ەۆروپا-باتىس-قىتاي تاس جولىنىڭ 341 شاقىرىمىندا قاتتى جىلدامدىقپەن كەلە جاتقان جۇرگىزۋشى الدىنان كەنەتتەن شىققان ءبىر توپ جىلقىنى قاعىپ كەتكەن. بۇل تۋرالى جامبىل وبلىستىق پوليتسيا دەپارتامەنتى مالىمدەدى, دە حابارلايدى Egemen.kz.
«5 قىركۇيەك كۇنى ساعات 20:50 شاماسىندا تاراز قالاسىنىڭ 59 جاستاعى تۇرعىنى ءوزىنىڭ «Mercedes benz» اۆتوكولىگىمەن تاراز باعىتىنا قاراي بارا جاتىپ, جول ۇستىندە جۇرگەن ءبىر توپ جىلقىنى قاعىپ كەتكەن, ناتەجيەسىندە كولىك جۇرگىزۋشىسى ءتۇرلى دەنە جاراقاتتارىمەن مەركى اۋداندىق اۋرۋحاناسىنا قارالعان. انىقتالعانداي, مەركى اۋىلىنىڭ 35 جاستاعى تۇرعىنى كەشكى مەزگىلدە جىلقىسىن ارنايى وتكەلدەن وتكىزبەي, جول ۇستىمەن ايداپ وتپەكشى بولعان.
جول اپاتى سالدارىنان سول جەردەن 12 باس ولگەن جىلقى تابىلدى. قازىرگى تاڭدا جىلقىشىعا قاتىستى اكىمشىلىك جازا تاعايىندالۋدا», دەپ ناقتىلادى ءباسپاسوز قىزمەتى.