«استانا وپەرا» تەاترىنىڭ اكىمشىلىگى تەاتر جانىنداعى وپەرالىق جانە بالەتتىك ستۋدياعا بالالار قابىلداي باستادى. بالەتتى مەڭگەرۋگە نيەت بىلدىرەتىندەر 8 بەن 10 جاس ارالىعىندا, وپەرالىق ستۋديانىڭ ۇمىتكەرلەرى 6 مەن 15 جاس ارالىعىندا, بالالار حورى, وركەستر, اسپاپتار انسامبلىنە كەلەم دەۋشىلەر 10 مەن 16 جاس ارالىعىندا بولۋى كەرەك. ءبىرىنشى كەزەكتە مۋزىكالىق قابىلەتكە جانە مۋزىكالىق بىلىمگە ءمان بەرىلەدى.
«استانا وپەرا» تەاترىنىڭ اكىمشىلىگى تەاتر جانىنداعى وپەرالىق جانە بالەتتىك ستۋدياعا بالالار قابىلداي باستادى. بالەتتى مەڭگەرۋگە نيەت بىلدىرەتىندەر 8 بەن 10 جاس ارالىعىندا, وپەرالىق ستۋديانىڭ ۇمىتكەرلەرى 6 مەن 15 جاس ارالىعىندا, بالالار حورى, وركەستر, اسپاپتار انسامبلىنە كەلەم دەۋشىلەر 10 مەن 16 جاس ارالىعىندا بولۋى كەرەك. ءبىرىنشى كەزەكتە مۋزىكالىق قابىلەتكە جانە مۋزىكالىق بىلىمگە ءمان بەرىلەدى.
«استانا وپەرا» اكادەمياسى بالالار ستۋدياسىنىڭ مەنەدجەرى مايا بەكنازار, «استانا وپەرا» تەاترىنىڭ وپەرالىق ستۋدياسى بالالار حورى مەن كامەرالىق وركەستردىڭ ارتىستەرىن دايىندايتىنىن اتاپ ءوتتى. «جاس ءارتىس ءۇشىن ونەر كورسەتكەندە قورقىنىشقا بوي بەرمەي, ساحناعا شىعۋدى ۇيرەنگەنى, پلاستيكاسى جاقسى بولىپ, بويىنداعى تالابىن كورسەتكەنى ماڭىزدى. سول ءۇشىن وپەرالىق ستۋديانىڭ قاتىسۋشىلارى اكتەرلىك شەبەرلىك مەكتەبىنىڭ دايىندىعىنان وتەدى», دەيدى م.بەكنازار.
ءدارىس بالالارعا ساحنا الەمىنىڭ قىر-سىرىن تولىق تانىستىرىپ, ونەرلەرىن قوبالجىماي كورسەتۋدى, اكتەرلىك جانە شەشەندىك ونەردى, پلاستيكانى مەڭگەرۋدى جانە ءوز ارىپتەستەرى – ستۋديانىڭ جاس تالانتتارىمەن دوستاسۋدى ۇيرەتەدى. اكتەرلىك شەبەرلىككە يكەمدەلۋدىڭ ارقاسىندا ادام شىعارماشىلىق ەركىندىگىنە, ارقيلى ءارى تولىققاندى تىلدەسۋگە جول اشادى. ءبىلىم الۋدىڭ قوسىمشا ۇلگىسى بولعانىنا قاراماستان ستۋدياعا قاتىسۋشىلار كاسىپقوي ارتىستەردىڭ دەڭگەيىنە ساي شەبەرلىك شىڭداۋعا مۇمكىندىك بەرەتىن دايىندىقتان وتەدى.
بالالار تەك ءدارىس الىپ قانا قويمايدى, سونىمەن قاتار, ولاردى جاسى ۇلكەن ارتىستەرمەن بىرگە «استانا وپەرا» تەاترىنىڭ وپەرالىق سپەكتاكلدەرىنىڭ قويىلىمدارى مەن كونتسەرتتەرىنە, سونداي-اق, بالالاردىڭ جەكە سپەكتاكلدەرىنە قاتىستىرۋ جوسپاردا بار.
ءوتىنىم www.astanaopera.kz سايتىندا اعىمداعى جىلدىڭ 21 اقپانىنا دەيىن قابىلدانادى.
نياز جىلقىباەۆ.