قر ءىىم قاراعاندى اكادەمياسى باستىعىنىڭ ورىنباسارى ولجاس سەيىتجانوۆ بولاشاق تەرگەۋشىلەر جونىندە ايتتى, دەپ حابارلايدى Egemen.kz.
«بۇگىندە قر ءىىم قاراعاندى اكادەمياسى باكالاۆرياتتىڭ, العاشقى كاسىبي دايىندىقتىڭ, ماگيستراتۋرانىڭ, دوكتورانتۋرانىڭ جانە بىلىكتىلىكتى ارتتىرۋ كۋرستارىنىڭ ءبىلىم بەرۋ باعدارلامالارىن ىسكە اسىراتىن زاماناۋي عىلىمي-ءبىلىم بەرۋ كەشەنى بولىپ تابىلادى», دەدى ولجاس سەيىتجانوۆ.
سپيكەر قاراعاندى اكادەمياسى زەرتتەۋلەرگە 4 ءتۇرلى رۇقسات بەرە وتىرىپ, كاسىبي تەرگەۋشىلەر مەن كريميناليستەردى دايارلاۋدى جۇزەگە اسىراتىن جالعىز وقۋ ورنى بولىپ تابىلاتىنىن العا تارتتى.
«بۇل رەتتە ءبىزدىڭ اكادەميادا جىگىتتەرمەن قاتار قىزدار دا وقيدى. قازىردىڭ وزىندە ولاردى وقىتۋ ۆەكتورى وتباسىنداعى زورلىق-زومبىلىق جانە كامەلەتكە تولماعاندارعا قاتىستى قىلمىستار تۋرالى قىلمىستىق ىستەردى تەرگەۋگە باعىتتالعان», - دەپ تولىقتىردى ولجاس سەيىتجانوۆ.
ايتا كەتسەك, اكادەميانىڭ ءبىلىم بەرۋ قىزمەتىندە ءداستۇرلى تەحنولوگيالارمەن قاتار جاڭا فورماتتاعى پوليتسەيلەرگە قاجەتتى ءبىلىم, داعدىلار مەن بىلىكتىلىكتەر كەشەنىمەن بولاشاق ءىىو قىزمەتكەرلەرىن قامتاماسىز ەتۋگە مۇمكىندىك بەرەتىن يننوۆاتسيالىق تەحنولوگيالار, ادىستەر مەن تاسىلدەر بەلسەندى قولدانىلادى.