نۇر-سۇلتان پوليتسەيلەرى زاڭسىز قارۋ ساقتاعان تۇرىعىندى انىقتادى, دەپ حابارلايدى Egemen.kz Polisia.kz-كە سىلتەمە جاساپ.
پوليتسيا قىزمەتكەرلەرى «قۇقىقتىق ءتارتىپ» جەدەل الدىن الۋ ءىس-شاراسى بارىسىندا ساعات 22:05-تە بارشىن كوشەسىندە 32 جاستاعى ەر ادامنىڭ باسقارۋىنداعى Toyota اۆتوكولىگىن توقتاتتى.
ۇستالعان ازاماتتىڭ كولىككە قاتىستى قۇجاتتارى جوق ەكەنى انىقتالدى. سونىمەن قاتار ول بىرنەشە رەت قىلمىستىق جاۋاپكەرشىلىككە تارتىلدى.
اۆتوكولىكتى تەكسەرۋ بارىسىندا ءۇش اس ءۇي پىشاعى مەن ءبىر اڭشىلىق پىشاق, 32 مم كاليبرلى تەگىس ۇڭعىلى قارۋ جانە ونىڭ پاتروندارى تاركىلەندى.
اتالعان فاكتى بويىنشا قر قك 287-بابى «قارۋدى, وق-دارىلەردى, جارىلعىش زاتتار مەن جارىلعىش قۇرىلعىلاردى زاڭسىز ساتىپ الۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ» بويىنشا قىلمىستىق ءىس قوزعالدى. قازىرگى ۋاقىتتا تەرگەۋ امالدارى جۇرگىزىلۋدە.