كوروناۆيرۋس جۇقتىرۋ جاعدايلارىنىڭ تومەندەۋىنە بايلانىستى قالادا كوۆيدتىك ستاتسيونارلار كەزەڭ-كەزەڭىمەن جابىلاتىن بولادى. بۇل تۋرالى قالالىق قوعامدىق دەنساۋلىق ساقتاۋ باسقارماسى ونلاين-بريفينگ بارىسىندا مالىمدەدى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
«كۆي جاعدايلارىنىڭ تومەندەۋىنە بايلانىستى قالالىق قوعامدىق دەنساۋلىق ساقتاۋ باسقارماسى اۋرۋحانالاردى جابۋ تۋرالى شەشىم قابىلدادى. سوڭعى 2 كۇندە ءبىز 370 توسەكتىك 3 كوۆيدتى ستاتسيوناردى جاپتىق, بۇل قالالىق پسيحيكالىق دەنساۋلىق ورتالىعى, ۇقك گوسپيتالى جانە باسقا دا ەكى اۋرۋحانا», دەدى قالالىق قوعامدىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى ءاليا رۇستەموۆا.
ونىڭ ايتۋىنشا, كەلەسى اپتادا ەپيدەميولوگيالىق جاعدايعا بايلانىستى كوۆيدتىك ستاتسيونار رەتىندە تارتىلعان قالانىڭ تاعى ەكى اۋرۋحاناسىندا ينفەكتسيالىق توسەكتەر جابىلادى.
«بۇل 366 توسەكتىك №3 كوپبەيىندى قالالىق اۋرۋحانانىڭ كلينيكالىق جانە اكۋشەرلىك بلوگى جانە اكادەميك ن.د. باتپەنوۆ اتىنداعى 112 توسەكتىك تراۆماتولوگيا جانە ورتوپەديا ۇلتتىق عىلىمي ورتالىعى», دەپ قوستى سپيكەر.
سونىمەن قاتار, ول ازاماتتاردى قالاداعى ەپيدەميولوگيالىق جاعدايدىڭ جاقسارۋىنا قاراماستان, كارانتين شارالارىن ساقتاۋعا شاقىردى.
«مەن ازاماتتاردىڭ نازارىن قالاداعى ەپيدەميولوگيالىق جاعدايدىڭ جاقسارۋىنا قاراماستان, ۆيرۋس ەش جەردە جويىلماعانىنا جانە ءالى باس تارتقىسى كەلمەيتىنىنە اۋدارعىم كەلەدى. جوعارىدا اتاپ وتكەنىمىزدەي, وسىمەن ەكىنشى جىل قاتارىنان سىرقاتتانۋشىلىقتىڭ جوعارى دەڭگەيى جازعى كەزەڭگە, كەيدە دەمالىستارعا, جازعى دەمالىستارعا بايلانىستى كەلەدى. ەڭ باستىسى - بارلىق سانيتارلىق نورمالاردى ساقتاۋ جانە ۆاكتسيناتسيا. ۆاكتسيناتسيانىڭ كومەگىمەن ءبىز اۋرۋدىڭ دەڭگەيىن تومەندەتىپ, ينفەكتسيانىڭ تارالۋىن توقتاتا الامىز», دەدى ءاليا رۇستەموۆا.