موتوتسيكلمەن ەسىرتكى تاسىمالداعان الماتى وبلىسىنىڭ تۇرعىنى ۇستالدى, دەپ حابارلايدى Egemen.kz Polisia.kz-كە سىلتەمە جاساپ.
شەلەك پب ۋپي «قۇقىقتىق ءتارتىپ» جۇمىسى اياسىندا بارتوعاي اۋىلدىق وكرۋگىن پاترۋلدەۋ كەزىندە مەملەكەتتىك تىركەۋ نومىرلىك بەلگىسى جوق موتوكولىك بايقالدى. پوليتسيا قىزمەتكەرلەرى موتوتسيكل جۇرگىزۋشىسىنىڭ قۇجاتتارىن تەكسەرۋگە نيەتتەنگەن كەزدە جۇرگىزۋشى جاسىرىنۋعا تىرىستى. ۋچاسكەلىك ينسپەكتورلار جۇرگىزۋشىنى قۋىپ, ونى ۇستادى. قاشقىن جۇرگىزۋشى 50 جاستاعى جەرگىلىكتى تۇرعىن بولىپ شىقتى.
موتوكولىكتى تەكسەرۋ كەزىندە ءتارتىپ ساقشىلارى سالماعى 2,5 كگ ماريحۋانا ەسىرتكى زاتى بار سومكەنى تاپتى.
اتالعان فاكتى قر قك 296-بابى 2-بولىگى بويىنشا سدتبت-دە تىركەلدى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە.