تۇركيا بيلىگى ەلگە جاڭا شەكتەۋلەر ەنگىزۋدى ۇيعاردى. قوناقتار مەن رەسپۋبليكا تۇرعىندارى بەلگىلى ءبىر قۇجاتتار بولعان جاعدايدا عانا جەردەگى قوعامدىق كولىكتى نەمەسە ىشكى رەيستەردى پايدالانا الادى, دەپ حابارلايدى Egemen.kz.
بۇل تۋرالى ينتەرفاكس Turkish Airlines اۋەكومپانياسىنىڭ باس ديرەكتورى بيلال ەكچيدىڭ مالىمدەمەسىنە سىلتەمە جاسادى.
سپيكەردىڭ مالىمدەمەسىنە سايكەس, 6 قىركۇيەكتەن باستاپ تۇركيا ارقىلى وتەتىن اۆتوبۋستارعا, پويىزدارعا جانە ۇشاقتارعا ۆاكتسينا تۋرالى كۋالىكسىز, پتر نەمەسە كوروناۆيرۋسقا جەدەل تەست جاساماي وتىرۋ مۇمكىن ەمەس.
ەكچي مۇنداي شەشىم ىشكى ىستەر ءمينيسترىنىڭ بۇيرىعىنا سايكەس قابىلدانعانىن ايتتى. تەرىس تەست نەمەسە ۆاكتسينا تۋرالى انىقتاما كونتسەرتتەردە, كينو مەن تەاترلاردا دا تالاپ ەتىلەدى.
سونىمەن قاتار تۇركيادا ەلگە كەلۋشىلەر ءۇشىن مىندەتتى ەلەكتروندى ساۋالنامالار ءالى دە بار, سونىڭ نەگىزىندە ساياحاتشىلارعا HES كودى بەرىلەدى.