شىعىس قازاقستان وبلىسىنداعى «وسكەمەن-سەمەي» تاسجولىندا جەڭىل كولىك پەن كاماز سوقتىعىسىپ, 3 ادام زارداپ شەكتى, دەپ حابارلايدى Egemen.kz شقو پوليتسيا دەپارتامەنتىنىڭ رەسمي سايتىنا سىلتەمە جاساپ.
شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, جول-كولىك وقيعاسى 31 تامىزدا ساعات 18.20-دا بولعان.
الدىن الا مالىمەت بويىنشا «ۆاز» ماركالى اۆتوكولىكتى تىزگىندەگەن ازامات الدىندا كەلە جاتقان كولىكتى باسىپ وزامىن دەپ قارسى باعىتقا شىققان. الايدا رۋلگە يە بولا الماي قالعان ول قارسى باعىتتاعى جول جيەگىندە توقتاپ تۇرعان كاماز-عا سوعىلدى. جول اپاتى «وسكەمەن-سەمەي» تاسجولىنىڭ 7-ءشى شاقىرىمىندا بولدى», دەپ حابارلادى ۆەدومستۆو وكىلدەرى.
جەڭىل كولىكتىڭ جۇرگىزۋشىسى مەن ەكى جولاۋشىسى ءتۇرلى دارەجەدە دەنە جاراقاتتارىن العان. قازىرگى ۋاقىتتا پوليتسەيلەر وقيعانىڭ تولىقتاي ءمان-جايىن انىقتاپ جاتىر.