پارلامەنت ءماجىلىسى «قازاقستان رەسپۋبليكاسى تاۋەلسىزدىگىنىڭ وتىز جىلدىعىنا بايلانىستى راقىمشىلىق جاساۋ تۋرالى» زاڭ جوباسىن تالقىلاۋدى باستايدى, دەپ حابارلايدى Egemen.kz.
«بۇل زاڭ جوباسى مەملەكەت باسشىسىنىڭ 2020 جىلعى 29 قازانداعى تاپسىرماسىن ورىنداۋ ماقساتىندا ازىرلەندى. زاڭ جوباسى قازاقستان رەسپۋبليكاسى تاۋەلسىزدىگىنىڭ وتىز جىلدىعىنا وراي ىزگىلىك قاعيداتى نەگىزىندە قالمىستىق اتقارۋ جۇيەسى مەكەمەلەرىندە ۇستالاتىن جانە پروباتسيا قىزمەتىنىڭ ەسەبىندە تۇرعان ادامداردى جازادان ءارى قىلمىستىق جاۋاپتىلىقتان بوساتۋعا, جازانىڭ وتەلمەگەن بولىگىن قىسقارتۋعا باعىتتالعان», دەدى ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ توراعاسى ارمان قوجاحمەتوۆ.
ونىڭ ايتۋىنشا, قوعام جانە مەملەكەتتىڭ قاۋىپسىزدىگىنە ەلەۋلى قاتەر توندىرمەيتىن قىلمىستار جاساعانى ءۇشىن سوتتالعان ادامداردى, ونىڭ ىشىندە الەۋمەتتىك وسال ساناتىنداعى ەل ازاماتتارىن جازادان بوساتۋعا مۇمكىندىك بەرەدى.
ەسكە سالا كەتەيىك, قر ىشكى ىستەر مينيسترلىگى «راقىمشىلىق جاساۋ تۋرالى» قازاقستان رەسپۋبليكاسىنىڭ زاڭ جوباسىن قوعام تالقىلاۋىنا ۇسىندى.