ەكونوميكانىڭ عىلىم مەن ءبىلىم ارقىلى عانا بيىككە ورلەيتىنى كۇنى كەشەگى جولداۋدا ايتىلدى. ەلباسى ەل دامۋىنىڭ ەكونوميكاعا تىكەلەي بايلانىستى ەكەنىن تاعى دا ءبارىمىزدىڭ ەسىمىزگە سالدى. بۇل – ەلىمىزدىڭ 2050 جىلعا قاراي باعىت العان ۇلكەن جولى, ول جول ءبىر ماقسات, ءبىر مۇددەنى, ءبىر بولاشاقتى كوزدەيدى. ال ەلىمىزدىڭ ەكونوميكالىق دامۋ جاعدايىن ساراپتايتىن عىلىمي تۇجىرىمدار, ويلار, سالماقتى ءپىكىرلەر قاشاندا اسا قاجەت. سوندىقتان, ەلىمىز ءبىلىم, عىلىم سالاسىنا كوپ كوڭىل ءبولىپ كەلەدى.
ەكونوميكانىڭ عىلىم مەن ءبىلىم ارقىلى عانا بيىككە ورلەيتىنى كۇنى كەشەگى جولداۋدا ايتىلدى. ەلباسى ەل دامۋىنىڭ ەكونوميكاعا تىكەلەي بايلانىستى ەكەنىن تاعى دا ءبارىمىزدىڭ ەسىمىزگە سالدى. بۇل – ەلىمىزدىڭ 2050 جىلعا قاراي باعىت العان ۇلكەن جولى, ول جول ءبىر ماقسات, ءبىر مۇددەنى, ءبىر بولاشاقتى كوزدەيدى. ال ەلىمىزدىڭ ەكونوميكالىق دامۋ جاعدايىن ساراپتايتىن عىلىمي تۇجىرىمدار, ويلار, سالماقتى ءپىكىرلەر قاشاندا اسا قاجەت. سوندىقتان, ەلىمىز ءبىلىم, عىلىم سالاسىنا كوپ كوڭىل ءبولىپ كەلەدى.
ءبىلىم, عىلىمنىڭ ءوزى – بالاباقشادان باستالىپ, مەكتەپكە, جوعارى وقۋ ورنىنا دەيىن الىپ كەلەتىن ۇزاق جول. جاس ۇرپاقتىڭ ءتاربيەلەنۋى, ءبىلىم الۋى, جوعارى وقۋ ورنىنا ءتۇسۋى ءۇشىن ەلىمىزدە بارلىق جاعداي جاسالعان. ەندى مىنە, ءبىزدىڭ ستۋدەنتتەرىمىز ءۇشىن دە جولداۋدان جاقسى جاڭالىق ەستىلدى, ياعني, 2016 جىلدان باستاپ ستيپەنديا 25 پايىزعا وسەتىن بولدى. بۇل جاڭالىق تەك بۇگىنگى ستۋدەنت ءۇشىن عانا ەمەس, الداعى جىلدارى ستۋدەنت اتانباقشى اۋىل-قالادا وقىپ جۇرگەن وقۋشى ءۇشىن دە ۇلكەن قۋانىش. ولارعا جىگەر, وقىپ-ءبىلىم الۋعا تالپىنىس, سەنىم اكەلەدى.
جالپى, جىلداعى جولداۋلار سياقتى بيىلعى جولداۋ دا ءومىرىمىزدىڭ بارلىق سالاسىن قامتىدى. ءوزىمنىڭ ەرەكشە اسەر العانىم, «ماڭگىلىك ەل» يدەياسى. بۇل يدەيا ءبارىمىزدى دە رۋحتاندىرادى. ستۋدەنت جاستاردى پاتريوتتىق سەزىمگە جەتەلەيدى. تاۋەلسىزدىككە قول جەتكىزگەن سوڭ, بۇل قۇندىلىقتى ساقتاپ, ۇرپاقتان-ۇرپاققا ميراس ەتىپ قالدىرۋ وڭاي ەمەس. ال ءدال وسى ەلباسى ايتىپ وتىرعان «ءماڭگىلىك ەل» يدەياسى – جاڭا ۇعىم. ول ۇلتىمىزدى ۇيىستىرىپ, بىرلىككە شاقىرىپ, بولاشاققا بەت العان جولىمىزدىڭ دۇرىستىعىنا ءبىردەن-ءبىر كەپىل بولا الادى.
«قازاقتىڭ ماڭگىلىك عۇمىرى – ۇرپاقتىڭ ماڭگىلىك بولاشاعىن باياندى ەتۋگە ارنالادى. ەندىگى ۇرپاق – ماڭگىلىك قازاقتىڭ پەرزەنتى», دەدى ەلباسى ءوز سوزىندە. ءبىزدىڭ ەلىمىز دە دامىپ, وركەندەپ, ءباسەكەگە قابىلەتتى ەلدەر, مەملەكەتتەر قاتارىنان ورىن الۋى ءۇشىن الدىمىزعا, مىنە, وسىنداي اۋقىمدى مىندەتتەر جۇكتەلىپ وتىر. ولاردىڭ ءبارى دە اسا ماڭىزدى. وسى ورايدا, ەلىمىزدى جاڭا ۇلكەن سەرپىلىستەر كۇتىپ تۇرعانى انىق. زاماناۋي عىلىممەن بىرگە وسى سەرپىلىستەردى باعىندىرا الامىز دەگەن سەنىم زور.
نۇرعالي ارشابەكوۆ,
مەملەكەتتىك پەداگوگيكالىق
ينستيتۋتتىڭ رەكتورى.
پاۆلودار.