الماتىدا جىل باسىنان بەرى مەملەكەتتىك باعدارلاما اياسىندا ءوز كاسىبىن اشۋ ءۇشىن 757 ادام 583 مىڭ تەڭگە كولەمىندە گرانت الدى. بۇل تۋرالى الماتى قالاسى الەۋمەتتىك ءال-اۋقات باسقارما باسشىسى نازيرا توعىزباەۆا ايتتى, دەپ حابارلايدى Egemen.kz.
ونلاين بريفينگ بارىسىندا باسقارما باسشىسى قالا تۇرعىندارىنا جاڭا ماماندىقتاردى ۇيرەتۋ ءجۇرىپ جاتقانىن جەتكىزدى.
«قىسقا مەرزىمدى كۋرستار بىلىكتىلىگىن جوعالتقان نەمەسە ماماندىعىن وزگەرتكىسى كەلەتىندەرگە ارنالعان. الماتىنىڭ 34 وقۋ ورنىندا 41 ماماندىق بويىنشا 1 مىڭنان استام ادام وقيدى», دەدى سپيكەر.
سونىمەن قاتار ول ەڭبەك نارىعىندا جاس تۇلەكتەردىڭ باسەكەگە قابىلەتتىلىك دەڭگەيى تومەن ەكەنىن اتاپ ءوتتى. سوندىقتان قالادا جاستارعا قاجەتتى جۇمىس داعدىلارىن الۋعا جانە جۇمىسقا بەيىمدەلۋگە كومەكتەسۋگە باعىتتالعان ءبىرىنشى جۇمىس جوباسى ىسكە قوسىلدى. جوبا اياسىندا ەڭبەككە 116 ادام تارتىلدى.
«وسى جىلى 757 الماتىلىق 200 ايلىق ەسەپتىك كورسەتكىش كولەمىندە گرانتقا يە بولدى. ياعني ءوز بيزنەسىن جۇزەگە اسىرۋعا 583 مىڭ تەڭگە الدى. كاسىپكەر بولعىسى كەلەتىندەر نەگىزىنەن تىگىن, اسپاز, مانيكيۋر, شاشتاراز جانە باسقا دا قىزمەتتەر بويىنشا جەكە ىستەرىن اشا الادى», دەيدى نازيرا توعىزباەۆا.