كونستيتۋتسيا كۇنىنە وراي تاراز قالاسىنداعى 15 ىقشاماۋداندا 180 پاتەرلى 4 كوپقاباتتى تۇرعىن ءۇي پايدالانۋعا بەرىلدى, دەپ جازادى Egemen.kz.
شاراعا وبلىس اكىمى بەردىبەك ساپارباەۆ قاتىسىپ, پاتەر كىلتتەرىن تاپسىردى.
«بۇگىن بارشامىز مەملەكەتتىگىمىزدىڭ بەرىك ىرگەتاسى – كونستيتۋتسيا كۇنى قارساڭىندا قۋانىشتى ءساتتىڭ كۋاسى بولىپ وتىرمىز. وسىناۋ وڭدى ىستەردىڭ بارلىعى الەۋمەتتىڭ الەۋەتىن ءالدى ەتەتىن اۋقىمدى شارالاردىڭ جارقىن كورىنىسى. ءبىزدىڭ باستى ماقساتىمىزدىڭ ءبىرى – حالىقتى تۇرعىن ۇيمەن قامتاماسىز ەتۋ. وسى ماقساتتا اعىمداعى جىلى مەملەكەتتىك باعدارلامالار اياسىندا بارلىعى 50 كوپقاباتتى تۇرعىن ءۇيدىڭ قۇرىلىسى جۇرگىزىلىپ, جىل سوڭىنا دەيىن پايدالانۋعا بەرىلەدى», دەدى ءوڭىر باسشىسى.