مەملەكەت باسشىسى قاسىم-جومارت توقاەۆ بەلگىلى قالامگەر, قازاقستاننىڭ ەڭبەك سىڭىرگەن قايراتكەرى نەسىپبەك ءداۋتاي ۇلىنىڭ دۇنيەدەن وتۋىنە بايلانىستى ونىڭ وتباسى مەن جاقىن تۋىستارىنا كوڭىل ايتۋ جەدەلحاتىن جولدادى. بۇل تۋرالى پرەزيدەنتتىڭ ءباسپاسوز حاتشىسى جازدى, دەپ حابارلايدى Egemen.kz.
«نەسىپبەك ءداۋتاي ۇلى ءباسپاسوز سالاسىندا جەمىستى جۇمىس جاسادى. قازاقستان جازۋشىلار وداعىنىڭ جامبىل وبلىسى بويىنشا فيليالىنا جەتەكشىلىك ەتتى. ەلىمىزدىڭ رۋحاني-مادەني بايلىعىن ارتتىرۋعا مول ۇلەس قوستى. قارىمدى قالامگەر رەتىندە شىعارماشىلىق جولداعى تابىستارى دا وتە مول. تارتىمدى تۋىندىلارى وقىرماندار تاراپىنان جوعارى باعاسىن الدى, ادەبي سىيلىقتارعا يە بولدى.
مارقۇمنىڭ يمانى سالامات, جانى ءجانناتتا بولسىن», دەلىنگەن جەدەلحاتتا.