ۆاكتسينا سالۋ جۇمىسىن جانداندىرۋ قاجەت

قازىرگى تاڭدا وڭىردەگى ەپيدەميالىق احۋال كۇن ساناپ قيىنداپ بارا جاتىر. بۇگىندە وبلىستا كوروناۆيرۋس ىندەتىن جۇقتىرعانداردىڭ سانى 16 700-دەن اسسا, وتكەن تاۋلىكتىڭ وزىندە 191 ادام قاۋىپتى دەرتكە شالدىققان. بۇل رەتتە ناۋقاس جاندارعا ءتيىستى كومەك تە كورسەتىلۋدە. قازىرگى كەزدە وڭىردەگى ينفەكتسيالىق ستاتسيونارلارداعى تو­سەكتەر 58 پايىزعا تولسا, بۇل كور­سەتكىش جانساقتاۋ ءبولىمى بويىنشا 43 پايىزعا جەتىپ وتىر ەكەن.

الايدا وبلىس اكىمى بەردىبەك ساپارباەۆ اسىرەسە وبلىس ورتالىعى تاراز قالاسىنداعى جاعدايدىڭ كو­ڭىل كونشىتپەيتىنىن ايتىپ, شاھار باس­شىسىنىڭ جۇمىسىن سىنعا العان بولاتىن. جالپى, قازىرگى كەزدە تا­راز قالاسى مەن شۋ, قورداي جانە تا­لاس اۋداندارى «قىزىل ايماققا» كىر­گەن. ال جامبىل, جۋالى, بايزاق, سارىسۋ جانە ت.رىسقۇلوۆ اۋداندارى «سارى ايماقتا» بولسا, مەركى جانە مويىنقۇم اۋداندارى «جاسىل ايماقتا» ورنالاسقان. نەگىزىنەن وبلىس بويىنشا 582 مىڭ ادامدى ەكپەمەن قامتۋ جوسپارلانسا, بۇگىنگە دەيىن 342 142 تۇرعىن ەكپە الىپ, كورسەتكىش 58,8 پايىزدى قۇراپ وتىر. سونىمەن قاتار تاراز قالاسى مەن شۋ جانە قورداي اۋداندارى وبلىستىق كورسەتكىشتەن تومەن قالىپ قويعان. وسى ورايدا, اۋدان, اۋىل تۇرعىندارىن تۇگەلدەي ۆاكتسينامەن قامتۋ بۇگىندە اسا ماڭىزدى بولىپ وتىر. بۇل دا كوپشىلىكتى قاۋىپتى ىندەتتەن قۇتقارۋدىڭ ەڭ ءتيىمدى جولى ەكەنى داۋسىز.

تاراز قالاسى وبلىس ورتالىعى بول­­­عاندىقتان, مۇندا حالىق تا تى­عىز ورنالاسقان. سونداي-اق قالادا ءتۇر­لى الەۋمەتتىك نىساندار كوپ. سو­عان وراي, قاۋىپتى ىندەتپەن كۇرەس تە كۇر­دەلى. تاراز قالاسىنىڭ اكىمى ەرجان جىلقىباەۆتىڭ ايتۋىنشا, قا­زىر­گى تاڭدا شاھار بويىنشا ۆاكتسي­نا العاندار سانى 146 357 ادامعا جەتىپ وتىر. «وتكەن اپتادا بىزگە بە­رىلگەن 170 مىڭ ادامنىڭ تىزىمىنە ساي­­كەس ءاربىر مەكەنجاي بويىنشا ۇيلەر­دى ارالاپ, بازاعا ەنبەي قالعان نەمەسە وزگە وڭىرلەردەن ۆاكتسينا قا­بىل­­داپ كەلگەن ادامداردىڭ ءتىزىمىن جا­ڭارت­­تىق. اتالعان جۇمىس ءالى كۇنگە دە­يىن جالعاسىن تاۋىپ, وسى اپتادا تو­لىعىمەن اياقتاۋ كوزدەلۋدە», دەي­دى ول. الايدا ايماقتاعى موني­تو­رينگ­تىك توپتاردىڭ جۇمىسى دا سىن­عا ۇشى­راۋدا. ماسەلەن, قوعامدىق كو­لىك­تەردە, بازارلاردا, ءىرى ساۋدا ورىن­داردا مەديتسينالىق ماسكا رەجى­مى ساق­تالماي وتىر. ءتىپتى ءتۇرلى نى­سان­دارعا تۇرعىنداردىڭ كىرىپ-شىعۋى «اshyq» باعدارلاماسى بويىنشا جۇ­زەگە اسپاي كەلەدى. ال وبلىستىق سا­ني­­تاريالىق-ەپيدەميولوگيالىق با­قىلاۋ دەپارتامەنتىنىڭ مالىمەتىنشە, بيىلعى 15-22 تامىز ارا­لىعىندا وب­لىستىڭ مونيتورينگتىك توپتارىنىڭ جۇ­مىس ديناميكاسىنىڭ تالداۋى نى­سانداردا كارانتيندىك رەجىمدى بۇزۋ­شىلىقتاردى انىقتاۋ بويىنشا جاع­دايدىڭ جەتكىلىكسىز ەكەنىن كور­سەتكەن. بۇل تۋرالى جاپپاي ءىس-شا­را­لاردىڭ وتكىزىلۋىنە قارا­ماس­تان, شۋ, مويىنقۇم, سارىسۋ جانە ت.رىس­قۇلوۆ اۋداندارىنىڭ مو­نيتورينگتىك توپ­تارىمەن بىردە-ءبىر بۇزۋ­شىلىق تىركەلمەگەن. ەندى ال­داعى ۋاقىتتا ءوڭىر باسشىلىعى ۆاكتسينا سالۋ جۇمىسىن جانداندىرۋدى نەگىزگى مىندەت ەتىپ قويىپ وتىر. سوندا عانا ۇجىمدىق يممۋنيتەتتى قالىپتاستىرىپ, قاۋىپ­سىزدىككە قول جەتكىزۋگە بولادى.

جامبىل وبلىسى