قازاقستاندىق جاس تەننيسشىلەر بىشكەك قالاسىندا جاسوسپىرىمدەر اراسىندا ITF اياسىندا وتكەن بەسىنشە ساناتتاعى (U-16) حالىقارالىق تۋرنيردە چەمپيون اتاندى, دەپ حابارلايدى Egemen.kz.
قازاقستان تەننيس فەدەراتسياسى ءمالىم ەتكەنىندەي, دانيل فەلكەر جەكەلەي سىندا فينالدا وسى دودانىڭ 1-راكەتكاسى, يراندىق كاسر راحمانيمەن كۇش سىناستى.
اسا تارتىستى ءوتىپ, ءۇش ساعاتقا سوزىلعان ماتچتا قازاقستاندىق تەننيسشى 6:4, 5:7, 6:3 ەسەبىمەن جەڭىسكە جەتتى. قىزدار اراسىندا اسەم شويبەك جەكەلەي سىندا فينالدا جارىستىڭ ءبىرىنشى راكەتكاسى, قىرعىزستاندىق ۆلاديسلاۆا اندرەەۆسكاياعا 1:6, 0:6 ەسەبىمەن ەسە جىبەردى.
جۇپتىق سىندا قازاقستاندىقتار ەلەنا كيم مەن ستەفانيا شالاحوۆا ۇزدىك شىقتى. ولار شەشۋشى باسەكەدە تاعى ءبىر قازاقستاندىق يانا كۋزنەتسوۆا مەن رەسەيلىك كسەنيا لوگۆينانى 6:2, 6:2 ەسەبىمەن تىزە بۇكتىردى. بۇل د.فەلكەر, ە.كيم جانە س.شالاحوۆا ءۇشىن بيىلعى جىلداعى العاشقى تيتۋلدارى.