جامبىل وبلىسىنداعى اسكەري بولىمدە ورىن العان جارىلىسقا بايلانىستى وڭىردەگى جۇك تاسىمالى بولىمشەسى تاراز-لۋگوۆوە ۋچاسكەسىنىڭ جۇپ جانە تاق جولدارى بارلىق پويىز قوزعالىسى ءۇشىن جابىق, دەپ جازادى Egemen.kz.
تارازدان وقيعا وشاعىنان 8-10 شاقىرىم جەردە ورنالاسقان ۇشبۇلاق ستانتسياسىنا ءورت ءسوندىرۋ پويىزى كەلدى. شۋ ستانتسياسىنان دا ءورت ءسوندىرۋ پويىزى جىبەرىلدى.
جۇك جانە جولاۋشىلار پويىزدارىنىڭ قوزعالىسى توقتاتىلدى.
قازىرگى ۋاقىتتا پەتروپاۆل-قىزىلوردا باعىتىنداعى №75 جانە ماڭعىستاۋ – الماتى-2 باعىتىنداعى №78 جولاۋشىلار پويىزى, سونداي-اق 14 جۇك پويىزى توقتاتىلدى.
«قۇرمەتتى جولاۋشىلار!
تەحنيكالىق سەبەپتەرگە بايلانىستى:
- №41 الماتى-2 – اتىراۋ باعىتىنداعى;
- №11 الماتى-2 – شىمكەنت باعىتىنداعى;
- №78 مانعىستاۋ - الماتى-2 باعىتىنداعى;
- №24 اقتوبە – الماتى-1 باعىتىنداعى ;
- №002 شىمكەنت – الماتى-2 باعىتىنداعى;
- №72 تۇركىستان – الماتى-2 باعىتىنداعى;
- №86 سارىاعاش – نۇر-سۇلتان-1 باعىتىنداعى;
-№22 قىزىلوردا – سەمەي باعىتىنداعى جولاۋشىلار پويىزدارىنىڭ كەشىگەدى.
تولىعىراق اقپارات الۋ ءۇشىن جولاۋشىلار تەمىرجول ۆوكزالدارىنىڭ انىقتاما بيۋروسىنا نەمەسە «105» بىرىڭعاي انىقتاما قىزمەتىنە حابارلاسۋى كەرەك», دەپ جازادى «قازاقستان تەمىر جولى» ۇك» اق ءباسپاسوز قىزمەتى.