«قۇرمەتتى داۆيد ماميەۆيچ!
ءسىزدى توكيوداعى جازعى پاراليمپيادانىڭ چەمپيونى اتانۋىڭىزبەن شىن جۇرەكتەن قۇتتىقتايمىن!
ءسىز بۇگىنگى سايىستا جوعارى دايىندىعىڭىز بەن جەڭىسكە مۇقالماس ەرىك-جىگەرىڭىزدى جاھان جۇرتىنا پاش ەتتىڭىز. بايتاق وتانىمىزدىڭ ءار قيىرىندا وزىڭىزگە قىزۋ قولداۋ كورسەتكەن وتانداستارىمىزدىڭ, بار بىلگەنىن ۇيرەتىپ, باپتاعان باپكەرلەرىڭىزدىڭ ءۇمىتىن اقتادىڭىز.
الداعى ۋاقىتتا دا بابىڭىز بەن باعىڭىز قاتار شاۋىپ, تولايىم تابىسقا قول جەتكىزە بەرۋىڭىزگە تىلەكتەسپىن», دەپ جازدى مينيستر قۇتتىقتاۋ حاتىندا.
بۇل توكيو پاراليمپياداسىنداعى قازاقستان قۇراماسىنىڭ قورجىنىنداعى العاشقى ماراپات.
ەسكە سالا كەتسەك, داۆيد دەگتيارەۆ 174 كەلىنى ەڭسەرىپ, 54 كەلىگە دەيىنگى سالماق دارەجەسىندە ءبىرىنشى ورىنعا يە بولدى.