تاتارستاننىڭ استاناسى قازان قالاسىندا مما ارالاس جەكپە-جەگىنەن 18-20 جاس ارالىعىنداعى جاستار جانە 21 جاستان اسقان ەرەسەكتەر اراسىندا وتكەن ەۋروپا چەمپيوناتىندا قاراعاندى وبلىسىنان قاتىسقان شەبەرلەر ءساتتى ونەر كورسەتتى.
جالپى, اتالعان دوداعا 14 ەلدەن 250-دەن استام سپورتشى قاتىسقان. ال قازاقستاننىڭ ۇلتتىق قۇراما كومانداسى ساپىندا ەل نامىسىن قورعاعان 27 شەبەردىڭ قاتارىندا قاراعاندىدان ەكى سپورتشى بولدى.
وبلىستىڭ اتىنان بارعان شەبەرلەر دانيل گۋبين مەن اڭسار قاسىمجانوۆ چەمپيونات قورىتىندىسىندا ءبىر التىن جانە ءبىر قولا جۇلدەنى جەڭىپ الىپ, وزدەرىنە ارتىلعان سەنىمدى اقتادى.
ەۋروپا چەمپيونى بولعان دانيل گۋبين مما جەكپە-جەگىمەن التى جاسىنان بەرى اينالىسادى ەكەن. ون توعىز جاستاعى ورەن وسى جارىستا ۇيدە العان جاراقاتىنا قاراماستان, جوعارى دەڭگەيدە ونەر كورسەتىپتى. فينالدىق جەكپە-جەكتە ول 77,1 كيلو سالماق دارەجەسىندە سىنعا ءتۇسىپ, الماتى وبلىسىنان كەلگەن قارسىلاسى دوسجان كەنجەباەۆتى ۇپاي سانىمەن جەڭگەن.
قازانداعى ەۋروپا چەمپيوناتىندا قازاقستان قۇراماسى ساپىنداعى ارالاس جەكپە-جەك شەبەرلەرى ءۇش التىن, جەتى كۇمىس جانە سەگىز قولا مەدال جەڭىپ الىپ, جالپىكوماندالىق ەسەپتە جەڭىس تۇعىرىنىڭ ءۇشىنشى ساتىسىنا كوتەرىلگەن.
قاراعاندى وبلىسى