قازاقستاندا 40 گرادۋسقا دەيىن اپتاپ جانە نايزاعاي بولادى دەپ كۇتىلەدى. «قازگيدرومەت» رمك سينوپتيكتەرى 26-28 تامىزعا ارنالعان اۋا رايى بولجامىن ۇسىندى, دەپ حابارلايدى Egemen.kz.
مەتەورولوگتار مالىمەتىنشە, رەسپۋبليكانىڭ باسىم بولىگىنەن اتموسفەرالىق فرونتتاردىڭ وتۋىنە بايلانىستى تۇراقسىز اۋا رايى بولادى دەپ بولجانعان: نايزاعاي, بۇرشاق, جەل جانە جاڭبىر.
«رەسپۋبليكانىڭ بارلىق ايماقتارىندا تەمپەراتۋرالىق فون سالىستىرمالى تۇردە تۇراقتى: باتىستا تۇندە 17...22, كۇندىز 30...38 گرادۋس جىلى, سولتۇستىكتە تۇندە 7...18, كۇندىز 20 ...32 گرادۋس, رەسپۋبليكانىڭ ورتالىعىندا جانە شىعىسىندا تۇندە 7 ... 18, كۇندىز 22 ... 35 گرادۋس, وڭتۇستىكتە تۇندە 15 ... 23, كۇندىز 32...40 گرادۋس اپتاپ, وڭتۇستىك-شىعىستا تۇندە 13 ... 22, كۇندىز 27 ... 37 گرادۋس ىستىق», دەلىنگەن حابارلامادا.