الماتى وبلىسىندا زەينەتكەرلەر مەن مۇگەدەك جانداردى الداعان الاياق قولعا ءتۇستى, دەپ حابارلايدى Egemen.kz Polisia.kz-كە سىلتەمە جاساپ.
وبلىستىق پوليتسيا ۇسىنعان مالىمەتكە سايكەس, وبلىس تۇرعىندارىن 6 ميلليون تەڭگەگە الداپ كەتكەن الاياققا قاتىستى 10 قىلمىستىق ءىس قوزعالعان.
زارداپ شەككەندەر قاتارىندا ەسىك قالاسى مەن بايدىبەك, كوكساي, سايماساي جانە بايتەرەك اۋىلدارىندا تۇراتىن زەينەتكەرلەر, جالعىزباستى انالار, 33 جاستان 73 جاسقا دەيىنگى مۇگەدەكتەر بار.
«الاياقتىڭ ايتۋىنشا, ول ءوز قۇرباندارىن قۇجاتتاردى راسىمدەۋ ءۇشىن كەلگەن حقكو-دا تاپقان. ءوزىن ساۋاتتى مامان رەتىندە تانىستىرىپ, ولارعا زەينەتاقى نەمەسە بالالارعا ارنالعان جاردەماقىلاردى راسىمدەۋدى ۇسىنعان. ەكى جىل ىشىندە قاسكۇنەم قاراپايىم ازاماتتاردان 170 مىڭنان 1,5 ميلليون تەڭگەگە دەيىن اقشا الىپ, ونى ءوز قاجەتتىلىكتەرىنە جۇمساعان», دەپ حابارلادى تەرگەۋشى اسقار قىزايباەۆ.