الماتى وبلىسىندا كىسى ولتىرۋگە وقتالعان 20 جاسار جىگىت ۇستالدى, دەپ حابارلايدى Egemen.kz Polisia.kz سايتىنا سىلتەمە جاساپ.
21 تامىزدا ەڭبەكشىقازاق ءاىج كەزەكشى بولىمىنە اۋداندىق ورتالىق اۋرۋحانادان جەتىگەن كەنتىنىڭ 41 جاستاعى تۇرعىنىن پىشاق جاراقاتىمەن اۋرۋحاناعا جاتقىزعانى تۋرالى حابار ءتۇستى. جابىرلەنۋشى ءوزىنىڭ اۋىر جاعدايىنا بايلانىستى وقيعا جونىندە جاۋاپ بەرە المادى.
وقيعا كۋاگەرلەرىنىڭ كومەگىمەن كۇدىكتىنىڭ جەكە باسى انىقتالىپ, كەلەسى كۇنى ۇستالدى. كۇدىكتى جاساعان ءىسىن مويىنداپ, اۆتوكولىك ساتقان ارىپتەستەرىنىڭ ۇيىندە ىشىمدىك ىشكەنىن ءتۇسىندىردى. ىشىمدىككە ماسايعان ەر ادامداردىڭ اراسىندا جانجالدىڭ بولعانى انىقتالدى. جابىرلەنۋشى ۇيىقتاپ جاتقاندا, كۇدىكتى ونى بىرنەشە رەت پىشاقتاپ, وقيعا ورنىنان قاشا جونەلگەن.
قازىرگى ۋاقىتتا قر قك 106-بابى 1-بولىگى بويىنشا سوتقا دەيىنگى تەرگەۋ شارالارى جۇرگىزىلۋدە.