نۇر-سۇلتان قالاسىندا جاڭا بيزنەس يدەيالاردى جۇزەگە اسىرۋ ءۇشىن مەملەكەتتىك گرانت الۋ جونىندەگى ۇمىتكەرلەر ءوتىنىشىن قاراۋ كوميسسياسىنىڭ كەزەكتى وتىرىسى ءوتتى. بۇل جولى سەگىز ۇمىتكەرگە مەملەكەتتىك گرانت بەرۋ تۋرالى شەشىم قابىلداندى, دەپ حابارلايدى Egemen.kz.
كوميسسيا وتىرىسىندا جارتىلاي فابريكاتتار ءوندىرىسى, كونديتەرلىك ونىمدەر, كيىم تىگىنى, سۇلۋلىق سالوندارىنىڭ قىزمەتتەرى سەكىلدى ءتۇرلى باعىتتاعى كاسىپتەر قولداۋ تاپتى.
مەملەكەتتىك گرانت الۋعا ۇمىتكەرلەر: جۇمىسسىز ادامدار, كاسىپكەرلەر جانە ءوتىنىش بەرگەن كەزدە قازاقستان رەسپۋبليكاسىنىڭ سالىق زاڭناماسىنا سايكەس بىرىڭعاي جيىنتىق تولەمدى تولەگەن, «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋ كۋرسىنان وتكەن نەمەسە «ەڭبەك» باعدارلاماسىنىڭ ءبىرىنشى باعىتى اياسىندا وقۋىن اياقتاعان ادامدار.
ايتا كەتەيىك, جىل سوڭىنا دەيىن جالپى سانى 400 مەملەكەتتىك گرانت بەرۋ جوسپارلانىپ وتىر. ال بۇگىنگە دەيىن 363 ءوتىنىش قولداۋ تاپتى. بيىلعى گرانتتىڭ ەڭ جوعارعى مولشەرى – 200 اەك (583 400 تەڭگە).