الماتىدا قۇتقارۋشىلار ءتۋريستتى تاۋ شىڭىنان ەۆاكۋاتسيالادى, دەپ حابارلايدى Egemen.kz.
22 تامىزدا ROSO باسقارۋ بلوگىنا تيتوۆ شىڭىنا كوتەرىلۋ كەزىندە ءبىر ادام شامامەن 25 مەتر بيىكتىكتەن قۇلاعاندىعى تۋرالى حابارلاما كەلگەن. جابىرلەنۋشى تۋىسىنان كومەك سۇراپ SMS حابارلاما جىبەرىپ ۇلگەرگەن. وقيعا ورنىنا 8 ادامنان تۇراتىن ROSO جەدەل توبى, ونىڭ ىشىندە كينولوگيالىق ەكيپاج اتتانعان.
تيتوۆ شىڭىنا جەتۋ ۋاقىتى شامامەن 4 ساعات بولعاندىقتان, قۇتقارۋشىلار ۋاقىتتى ۇنەمدەۋ ءۇشىن قازاۆياسپاستان كومەك سۇراۋعا شەشىم قابىلداعان.
تابىلعان جابىرلەنۋشىنىڭ اياعى, قولى مەن باسى جاراقاتتانىپ, جاۋراعان.
ROSO قۇتقارۋشىلارى ءتۋريستى جىلى كيىممەن وراپ, تۇيىقسۋ اۋدانىنداعى اپات سالدارىن ەمدەيتىن مەديتسينا ورتالىعىنا كولىكپەن جەتكىزدى.