2021 جىلعى 1-5 قىركۇيەك ارالىعىندا قاراعاندى قالاسىندا ءورت ءسوندىرۋ-قۇتقارۋ سپورتى بويىنشا ەرلەر اراسىندا XVI الەم چەمپيوناتى جانە ايەلدەر اراسىندا VII الەم چەمپيوناتى وتەدى, دەپ حابارلايدى Egemen.kz قر تجم ءباسپاسوز قىزمەتىنە سىلتەمە جاساپ.
چەمپيوناتقا قازاقستان, بەلارۋس, سلوۆاكيا, پولشا, سەنەگال, چەحيا, رەسەي, وزبەكستان, مونعوليا, اۆستريا ەلدەرىنەن 10 ەرلەر مەن 5 ايەلدەر كومانداسى, سونداي-اق كاتار, بولگاريا جانە سەربيادان كەلگەن دەلەگاتتار قاتىسادى.
ءورت سوندىرۋشىلەر مەن قۇتقارۋشىلاردىڭ كوماندالارى وقۋ مۇناراسىنىڭ ءتورتىنشى قاباتىنىڭ تەرەزەسىنە شابۋىل ساتىسىمەن كوتەرىلۋدەن, 100 مەترلىك كەدەرگىلەر جولاعىنان وتۋدەن, جاۋىنگەرلىك قانات جايۋدان جانە 4-تەن 100 مەترگە دەيىنگى ءورت ەستافەتاسىنان سىنعا تۇسەدى.
الەم چەمپيوناتىنىڭ رەسمي اشىلۋ سالتاناتى 2021 جىلعى 2 قىركۇيەكتە ساعات 19:00-دە قاراعاندى قالاسىنىڭ «شاحتەر» ورتالىق ستاديونىندا وتەدى. ءورت ءسوندىرۋ-قۇتقارۋ سپورتى بويىنشا الەم چەمپيوناتتارىن وتكىزۋ الەمنىڭ ءتۇرلى ەلدەرىنىڭ سپورت ۇيىمدارى اراسىندا سپورت سالاسىنداعى دوستىق بايلانىستار مەن ىنتىماقتاستىقتى نىعايتۋعا, ءورت ءسوندىرۋ-قۇتقارۋ قىزمەتى قىزمەتكەرلەرى مەن جۇمىسكەرلەرىنىڭ كاسىبي جانە جاۋىنگەرلىك دايارلىعىن, سپورتتىق شەبەرلىگىن جەتىلدىرۋگە, الەمدىك اۋقىمدا ءورت ءسوندىرۋ-قۇتقارۋ سپورتىن ودان ءارى دامىتۋعا جانە ناسيحاتتاۋعا باعىتتالعان.