دۋبايدا ءوتىپ جاتقان جاسوسپىرىمدەر مەن جاستار اراسىندا بوكستان ازيا چەمپيوناتىندا قازاقستاندىق بوكسشىلار ونەر كورسەتۋدە, دەپ حابارلايدى Egemen.kz Sports.kz-كە سىلتەمە جاساپ.
دامير دايپاكوۆتىڭ 46 كەلىگە دەيىنگى سالماق دارەجەسىندەگى جاسوسپىرىمدەر اراسىنداعى قارسىلاسى قىرعىزستاندىق بەكزات ەرگەشوۆ بولدى. جەكپە-جەك دايپاكوۆتىڭ جەڭىسىمەن اياقتالدى.
دامير دايپاكوۆ قازاقستان چەمپيوناتىنىڭ ءفيناليسى اتاندى, سونداي-اق سەربياداعى حالىقارالىق تۋرنيردە جۇلدەگەرلەر قاتارىنا قوسىلدى.
ايتا كەتسەك, دۋبايداعى جاسوسپىرىمدەر تۋرنيرىمەن قاتار جاستار بىرىنشىلىگى دە ءوتىپ جاتىر, وندا قازاقستان سپورتشىلارى دا شارشى الاڭدا ونەر كورسەتۋدە.