ماڭعىستاۋ وبلىسىنىڭ اۋماعىندا تمد تەرروريزمگە قارسى ورتالىعىنىڭ باستاماسىمەن وتكىزىلەتىن «كاسپي - انتيتەررور-2021» بىرلەسكەن تەرروريزمگە قارسى وقۋ-جاتتىعۋى شەڭبەرىندە شەكارا قىزمەتى ءوز بولىمشەلەرىن قايتا توپتاستىرۋدى جۇرگىزۋدە, دەپ جازادى Egemen.kz ۇقك شەكارا قىزمەتىنىڭ رەسمي سايتىنا سىلتەمە جاساپ.
«تەحنيكا لەگىنىڭ قوزعالىسى اسكەري پوليتسيانىڭ الىپ جۇرۋىمەن جۇزەگە اسىرىلادى. جوسپارلى وقۋ-جاتتىعۋلار ەكى كەزەڭدە وتەدى جانە 2021 جىلعى 2 قىركۇيەككە دەيىن جالعاسادى», دەلىنگەن ۇقك شەكارا قىزمەتىنىڭ ءباسپاسوزى تاراتقان اقپاراتتا.
وقۋ-جاتتىعۋدىڭ ماقساتى تاۋەلسىز مەملەكەتتەر دوستاستىعى اۋماعىندا تەرروريزم اكتىلەرىن دايىنداۋ بەلگىلەرىن انىقتاۋ جانە جولىن كەسۋ كەزىندە كۇشتەر مەن قۇرالداردى كەشەندى قولدانۋدى بىرلەسىپ پىسىقتاۋ.