كەنيانىڭ نايروبي قالاسىندا جەڭىل اتلەتيكادان جاسوسپىرىمدەر اراسىنداعى الەم چەمپيوناتى ءوتىپ جاتىر. قازاقستاندىق اناستاسيا رىپاكوۆا ۇزىندىققا سەكىرۋ جارىسىنىڭ ىرىكتەۋ كەزەڭىنە قاتىستى, دەپ حابارلايدى Egemen.kz Tengrinews.kz -كە سىلتەمە جاساپ.
بىرىنشىلىكتىڭ فينالىنا ءوتۋ ءۇشىن رىپاكوۆاعا 1 سانتيمەتر عانا جەتپەي قالعان.
ۇزىندىققا سەكىرۋدەن سىنعا تۇسەتىن سپورتشىلار 6,35 مەتردى باعىندىرۋ كەرەك بولعان نەمەسە 12-ورىندى يەلەنۋى كەرەك. ال, رىپاكوۆا ءوزىنىڭ ەڭ ۇزدىك ناتيجەسىندە 6,05 مەترگە سەكىرىپ, 13-ورىندا قالدى. نيگەريالىق رۋت اگاداما 6.06 مەترگە سەكىردى. ناتيجەسىندە اگاداما فينالعا دەيىن جەتىپ, 12-ورىندى يەلەندى.ايتا كەتەيىك, اناستاسيا - 2008, 2012, 2016 وليمپيادا ويىندارىندا كۇمىس, التىن جانە قولا العان ولگا رىپاكوۆانىڭ قىزى. توكيو-2020 ويىندارىنان ولگا رىپاكوۆا العاش رەت جۇلدەسىز ورالدى.