بۇل تۋرالى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنان ءمالىم ەتتى, دەپ جازادى Egemen.kz.
اتامەكەنىنە قۇرامىندا 182 قانداس بار 123 وتباسى كوشىپ كەلدى.
«قازاقستان رەسپۋبليكاسىنا تۇراقتى تۇرۋ ماقساتىندا كەلگەن ەتنيكالىق قازاقتار قانداس مارتەبەسىن الدى. ونىڭ ىشىندە وزبەكستان رەسپۋبليكاسىنان 114 وتباسى (171 ادام), قىتاي حالىق رەسپۋبليكاسىنان 7 وتباسى (9 ادام) جانە رەسەي فەدەراتسياسىنان 2 وتباسى (2 ادام) بار. اتىراۋ قالاسىنا 100 وتباسى (147 ادام), جىلىوي اۋدانىنا 20 وتباسى (32 ادام), ال, ماقات اۋدانىنا 3 وتباسى (3 ادام) قونىستانۋدى ۇيعاردى», دەپ حابارلادى باسقارمانىڭ ماماندارى.