اتىراۋ وبلىسىندا 459 شەتەلدىك ماماندى جۇمىسقا تارتۋعا رۇقسات بەرىلگەن جوق, دەپ جازادى Egemen.kz.
وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى ماماندارىنىڭ مالىمەتىنە سۇيەنسەك, شەتەلدىك جۇمىس كۇشىن تارتاتىن كاسىپورىنداردا 90 503 قازاقستاندىق مامان جۇمىس ىستەيدى.
«شەتەلدىك جۇمىس كۇشىن تارتۋعا رۇقسات بەرۋ جونىندەگى كوميسسيانىڭ شەشىمىمەن كۆوتاعا سايكەس, جۇمىس بەرۋشىلەر شەتەلدىك مامانداردى بىرنەشە سانات بويىنشا جۇمىسقا تارتا الادى. ماسەلەن, بيىلعى 1 تامىزعا دەيىن جۇمىس بەرۋشىلەرگە شەتەلدىك جۇمىس كۇشىن تارتۋ ءۇشىن 4 727 رۇقسات بەرىلدى. ونىڭ ىشىندە 1-ءشى ساناتقا – 26, 2-ءشى ساناتقا – 711, 3-ءشى ساناتقا بەرىلگەن 3 369 رۇقسات بار. سونداي-اق شەتەلدىك ماۋسىمدىق جۇمىس ءۇشىن 611, كورپوراتيۆتىك اۋىستىرۋ بويىنشا 10 رۇقسات الدى. ارنايى كوميسسيانىڭ شەشىمىمەن 459 شەتەلدىك ماماندى جۇمىسقا تارتۋعا رۇقسات بەرۋدەن باس تارتىلدى», دەپ حابارلادى باسقارما ماماندارى.