«ادىلدىك جولى» رەسپۋبليكالىق قوعامدىق بىرلەستىگى مەن رەسپۋبليكالىق زاڭ كونسۋلتانتتارى القاسى اراسىندا ىنتىماقتاستىق تۋرالى مەموراندۋم جاساسۋ اياسىندا قازاقستاندا تەگىن زاڭ كومەگى قوسىمشاسى ىسكە قوسىلدى, دەپ حابارلايدى Egemen.kz.
«ادىلدىك جولى» رقب اتاپ وتكەندەي, قازىرگى ۋاقىتتا القاعا 3 000-عا جۋىق زاڭ كونسۋلتانتتارى كىرەدى.
«بۇل, اسىرەسە, ۇيدەن شىقپاي-اق تەگىن كەشەندى زاڭ كومەگىن الا الاتىن الەۋمەتتىك وسال ازاماتتار مەن اۋىلدىق جەرلەردىڭ تۇرعىندارى ءۇشىن ءتيىمدى», دەلىنگەن اقپاراتتا.
«مەموراندۋمنىڭ ماقساتى - حالىقتىڭ الەۋمەتتىك مۇقتاج توپتارىنا جانە باسقا دا ازاماتتارعا قۇقىقتىق كومەك كورسەتۋ. قۇقىقتىق اعارتۋ, اسىرەسە مۇقتاجدار اراسىندا قۇقىقتىق مەملەكەتتى نىعايتۋعا قىزمەت ەتەتىن بولادى», دەدى رەسپۋبليكالىق زاڭ كونسۋلتانتتارى القاسىنىڭ توراعاسى سەرىك اقىلباي.
«حالىقتىڭ قۇقىقتىق ساۋاتتىلىعىن ارتتىرۋ سىبايلاس جەمقورلىققا قارسى ءىس-قيمىلدىڭ ءتيىمدى ءادىسى بولىپ تابىلادى. «LawCenter» قوسىمشاسى قۇقىقتىق كومەكتى نەعۇرلىم اۋقىمدى تۇردە ۇيىمداستىرۋعا مۇمكىندىك بەرەدى. قوسىمشانى جۇكتەپ العان ءاربىر قازاقستاندىق ءوز سۇراعىن قويىپ, ونى زاڭ كەڭەسشىلەرىنە جىبەرە الادى», دەدى «ادىلدىك جولى» رقب توراعاسى ديدار سماعۇلوۆ.