جاپونيا ۇكىمەتى Covid-19 سالدارىنان توكيوداعى توتەنشە جاعداي رەجيمىن 12 قىركۇيەككە دەيىن ۇزارتۋعا شەشىم قابىلدادى, دەپ جازادى Egemen.kz ABC news-كە سىلتەمە جاساپ.
جاپونيا ۇكىمەتى Covid-19 سالدارىنان توكيوداعى توتەنشە جاعداي رەجيمىن 12 قىركۇيەككە دەيىن ۇزارتۋعا, سونداي-اق شەكتەۋلەردى تاعى بىرنەشە پرەفەكتۋرالارعا كەڭەيتۋگە شەشىم قابىلدادى.
توتەنشە جاعداي رەجيمى توكيو, وساكا, وكيناۆا جانە تاعى ءۇش ايماقتا جالعاسادى, سونىمەن قاتار كيوتو, حيوگو جانە فۋكۋوكاعا تارالادى. باستاپقىدا توتەنشە جاعداي رەجيمى تامىز ايىنىڭ سوڭىندا اياقتالادى دەپ جوسپارلانعان.
«ينفەكتسيانىڭ كوبەيۋى رەكوردتىق شىڭعا جەتىپ وتىر», دەدى جاپون پرەمەر-ءمينيسترى.