بيىل تۇڭعىش رەت نۇر-سۇلتان قالاسىنىڭ سپورتشى تالاپكەرلەرىنە قالا اكىمىنىڭ ءبىلىم گرانتى بەرىلەدى, دەپ جازادى Egemen.kz.
قالا اكىمدىگىنىڭ رەسمي سايتىنىڭ جازۋىنشا, جوعارى ءبىلىمدى مامانداردى دايىنداۋعا مەملەكەتتىك ءبىلىم بەرۋ تاپسىرىسىن ەۋرازيا ۇلتتىق ۋنيۆەرسيتەتى جۇزەگە اسىرادى.
«نەبىر مىقتى سپورتشىلار, ەل نامىسىن حالىقارالىق ارەنالاردا قورعاپ جۇرگەن سپورت شەبەرلەرى مەكتەپ كەزدەرىنەن جاتتىعۋ زالىندا ءجۇرىپ, ۇبت تاپسىرعاندا اقساپ جاتادى. مەملەكەتتىك گرانتقا ىلىنبەگەن سپورتشىلار قولجەتىمدى ماماندىققا تاپسىرۋعا ءماجبۇر بولادى. سونىڭ سالدارىنان ءبىز ءۇمىت ارتىپ وتىرعان سپورتشىلارىمىزدان ايىرىلىپ قالىپ جاتامىز. مەملەكەت باسشىسى جاستاردىڭ سپورتتىق الەۋەتىن دامىتۋعا ەرەكشە كوڭىل ءبولىپ وتىر, تيىسىنشە جان-جاقتى قولداۋ كورسەتىلىپ جاتىر. قالا اكىمى التاي سەيدىر ۇلى ۇسىنىسىمىزدى قولداپ, نۇر-سۇلتان قالاسىنىڭ سپورتشىلارىنا 50 گرانت بەرۋ تۋرالى شەشىم قابىلدادى. جوعارى وقۋ ورىندارىن اياقتاعان سوڭ, ماماندار جاتتىقتىرۋشى, نۇسقاۋشىلار رەتىندە قالالىق سپورت ۇيىمدارىنا جۇمىسقا قابىلدانادى. سولاي ءبىز ءوز كادرىمىزدى دايىندايمىز», دەدى نۇر-سۇلتان قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى سامات ەرعاليەۆ.