بەلگىلى زاڭگەر دجوحار وتەبەكوۆ «استانا بانكى» اق-داعى «استانا LRT» جشس شوتىنا سالىنعان 257 ميلليون اقش دوللارىنىڭ جوعالعانى تۋرالى ايتتى, دەپ حابارلايدى Egemen.kz.
«اقشا كەتتى! قۇرىلىس الاڭى قاڭىراپ بوس تۇر. انتيكور ءىستى باستادى. بىراق تەرگەۋشى ناعىز ۇرىلاردىڭ ورنىنا سوتقا مەنىڭ قورعاۋىمداعى تالعاتتى جىبەردى.
بۇل نەگىزىنەن فرانتسۋزدار مەن يسپاندىقتاردىڭ جوباسى, ولار ءار تيىنعا جۇمىس جاسادى. ءيا, تالعاتتىڭ ءتىپتى LRT-عا قاتىسى جوق! بىراق سۋديا 7 جىل «دەمونستراتسيالىق تۇردە» شەشىم شىعاردى», دەپ جازدى دجوحار وتەبەكوۆ Facebook-تە.
سونىمەن قاتار دجوحار ۋتەبەكوۆ فەيسبۋكتەگى جازباسىندا LRT ىسىنە قاتىستى كەيبىر قۇجاتتاردىڭ فوتوسىن جاريالادى.
ەستەرىڭىزگە سالا كەتەيىك, دجوحار وتەبەكوۆ بۇعان دەيىن LRT قۇرىلىسى كەزىندە قارجى جىمقىرعانى ءۇشىن ىزدەۋدە جۇرگەن قانات سۇلتانبەكوۆتىڭ ايەلى قازاقستان حالقىن مازاق ەتىپ وتىرعانىن ايتقان بولاتىن.
Astana LRT ءىسى بويىنشا ۇكىم 2021 جىلدىڭ 28 مامىرىندا شىعارىلدى - 7 ادام سوتتالدى, ولار ناقتى جازاعا كەسىلدى. سونداي-اق سوتتالعانداردىڭ مۇلكىنە قاتىستى شەشىم جاريالاندى.
الايدا, «استانا LRT» جشس-ءنى باسقارعان تالعات اردان مەن ەلوردا اكىمىنىڭ ەكس-ورىنباسارى بولعان قانات سۇلتانبەكوۆ سوتقا تارتىلمادى. سىبايلاس جەمقورلىققا قارسى قىزمەتتىڭ سوڭعى اقپاراتى بويىنشا ينتەرپول ولاردى ىزدەپ جاتىر.