جامبىل وبلىسىندا تەمىر جول كوپىرىن سۋ شايىپ كەتتى

قتج ءباسپاسوز قىزمەتى مالىمەتىنشە, مەركى اۋدانىنىڭ تاۋلى اۋماقتارىندا نوسەر جاڭبىر جاۋىپ, سودان پايدا بولعان سۋ تاسقىنى جەرگىلىكتى اۆتوجول مەن اسپارا-شۋ ارالىعىنداعى تەمىر جول كوپىرىنىڭ تىرەۋىن شايىپ كەتكەن.

«سۋ وتكىزۋ نىسانى تولىق رەجيمدە جۇمىس ىستەپ تۇرعان. دەگەنمەن سۋدىڭ تاسقىنى مەن قىسىمىنا توتەپ بەرە المادى. قازىرگى ۋاقىتتا جۇك جانە جولاۋشىلار پويىزدارى توقتاتىلدى. جولدى قالپىنا كەلتىرۋ جۇمىستارى ءجۇرىپ جاتىر. وعان تەمىر جول جانە اۆتوتراكتورلىق تەحنيكا, 75 ت/ج قىزمەتكەرلەرى جۇمىلدىرىلدى, قاجەت بولعان قۇرىلىس ماتەريالدارى جەتكىزىلدى. .

وسىعان وراي:

- №712 شىمكەنت - نۇر-سۇلتان - نۇرلى جول;

- №78 مانعىستاۋ - الماتى-2;

- №42 اتىراۋ - الماتى-2;

№23 الماتى-1 - اقتوبە;

№33 الماتى-2 - اقتوبە;

№29 الماتى-2 - اتىراۋ باعىتىنداعى جولاۋشىلار پويىزدارى كەشىگىپ كەلەدى», دەلىنگەن قتج حابارىندا.

تولىعىراق اقپارات الۋ ءۇشىن جولاۋشىلار تەمىر جول ۆوكزالدارىنىڭ انىقتاما بيۋروسىنا نەمەسە 105 بىرىڭعاي انىقتاما قىزمەتىنە حابارلاسۋى كەرەك.