سينوپتيكتەر 16 تامىزعا ارنالعان اۋا رايى بولجامىن جاريالادى, دەپ حابارلايدى Egemen.kz.
«رەسپۋبليكانىڭ باسىم بولىگىندە انتيتسيكلون اسەرىنەن جاۋىن-شاشىنسىز اۋا رايى بولۋى مۇمكىن, تەك سولتۇستىكتە, شىعىستا جانە وڭتۇستىك-شىعىستا اتموسفەرالىق فرونتالدى بولىكتەردىڭ وتۋىمەن نايزاعاي ويناپ, جاڭبىر جاۋادى, وڭتۇستىك-شىعىستا تاۋلى اۋدانداردا قاتتى جاۋىن-شاشىن (جاڭبىر, قار) جاۋادى. رەسپۋبليكا بويىنشا كەي جەرلەردە تۇمان ءتۇسىپ, بۇرشاق جاۋىپ, جەل كۇشەيەدى, وڭتۇستىك-شىعىستا شاڭدى داۋىل سوعادى», دەلىنگەن حابارلامادا.
اتاپ ايتقاندا, الماتى وبلىسىنىڭ كەي جەرلەرىندە نايزاعاي ويناپ, بۇرشاق جاۋادى, نايزاعاي كەزىندە جەل جىلدامدىعى 15-20, ەكپىنى 25 م/س كۇشەيەدى.
جامبىل وبلىسىنىڭ كەي جەرلەرىندە نايزاعاي ويناپ, بۇرشاق جاۋادى, جەل 15-20 م/س جەتىپ, شاڭدى داۋىلعا ۇلاسادى.
سولتۇستىك قازاقستان وبلىسىنىڭ كەي جەرلەرىندە نايزاعاي ويناپ, بۇرشاق جاۋىپ, تۇمان تۇسەدى.
قاراعاندى وبلىسىندا جەل 15-20 م/س كۇشەيەدى, تۇندە جانە تاڭەرتەڭ كەي جەرلەردە تۇمان تۇسەدى.
شىعىس قازاقستان, كۇندىز اقمولا وبلىستارىنىڭ كەي جەرلەرىندە نايزاعاي وينايدى.
تۇركىستان وبلىسىنىڭ كەي جەرلەرىندە جەل 15-20 م/س كۇشەيەدى.
كۇندىز اتىراۋ وبلىسىنىڭ كەي جەرلەرىندە وتە قاتتى ىستىق ساقتالادى, ماڭعىستاۋ, باتىس قازاقستان وبلىستارىنىڭ باسىم بولىگىندە, قوستاناي, اقتوبە وبلىستارىنىڭ كەي جەرلەرىندە قاتتى ىستىق بولادى.
«قىزىلوردا, تۇركىستان, ماڭعىستاۋ, اتىراۋ, جامبىل, اقتوبە, باتىس قازاقستان, الماتى وبلىستارىنىڭ باسىم بولىگىندە, قاراعاندى وبلىسىنىڭ كەي جەرلەرىندە, قوستاناي, شىعىس قازاقستان وبلىستارىنىڭ وڭتۇستىگىندە, اقمولا وبلىسىنىڭ جەكەلەگەن اۋداندارىندا توتەنشە ءورت قاۋپى ساقتالادى», دەلىنگەن حابارلامادا.