كۇدىكتىلەر پاۆلودارداعى ۋاقىتشا ۇستاۋ يزولياتورىنا قامالدى, دەپ حابارلايدى Egemen.kz.
«2020 جىلدىڭ 24 قىركۇيەگىندە ششۋچينسك قالاسىنىڭ 35 جاستاعى تۇرعىنى بۋراباي اۋداندىق ىشكى ىستەر بولىمىنە جۇگىندى. ونىڭ ايتۋىنشا, 2020 جىلدىڭ 15 قىركۇيەگىندە اۆتوكولىك ساتۋ تۋرالى جارناما سايتىنان «ۆاز 2107» شيناسىن ساتۋ تۋرالى حابارلاندىرۋ كورگەن. ساتۋشىمەن حابارلاسىپ, ساتىپ الۋعا كەلىسەدى. ساتۋشى بۇل دوڭگەلەكتەردى ساتىپ العىسى كەلەتىندەر كوپ ەكەنىن ايتىپ, الدىن الا 420 مىڭ تەڭگە اۋدارۋدى ۇسىنعان», دەيدى اقمولا وبلىسى پد ءباسپاسوز قىزمەتى.
جابىرلەنۋشى حابارلاندىرۋداعى ارزان باعاعا قىزىعىپ, اقشانى جارناما بەرۋشى كورسەتكەن شوتقا اۋدارعان. وسىدان كەيىن ساتۋشى بايلانىسقا شىعۋدى توقتاتقان.
«جەدەل-ىزدەستىرۋ شارالارىن جۇرگىزۋ ناتيجەسىندە پوليتسيا كۇدىكتىلەردى انىقتادى. ولار پاۆلودار قالاسىنىڭ 21 جانە 22 جاستاعى تۇرعىندارى بولىپ شىقتى», دەپ جازىلعان حابارلامادا.
انىقتالعانداي, ولار وسىلايشا رەسپۋبليكانىڭ ءار ايماعىنىڭ تۇرعىندارىن الداعان.
قازىرگى تاڭدا اتالعان ءىس قر قك 190-بابى بويىنشا قارالىپ جاتىر.