بۇۇ باس حاتشىسى انتونيۋ گۋتەرريش تاليباندى اۋعانستانداعى شابۋىلىن تەز ارادا توقتاتىپ, كەلىسسوزدەردى باستاۋعا شاقىردى, دەپ حابارلايدى Egemen.kz قازاقپاراتقا سىلتەمە جاساپ.
«بيلىكتى اسكەري كۇشپەن جاۋلاپ الۋ – جەڭىسكە اكەلمەيتىن ءتاسىل. بۇل ۇزاققا سوزىلاتىن ازاماتتىق سوعىسقا اكەلۋى نەمەسە اۋعانستاندى تولىقتاي جابىق مەملەكەتكە اينالدىرۋى مۇمكىن», دەدى گۋتەرريش نيۋ-يوركتە بۇۇ شتاب-پاتەرىندە جۋرنالسيتەرگە بەرگەن سۇحباتىندا.
«اۋعانستانداعى جاعداي باقىلاۋدان شىعىپ بارادى. سوعىس ارەكەتتەرى سالدارىنان تۇرعىندار جاپا شەگىپ جاتىر», دەپ ەسەپتەيدى باس حاتشى.
وسى جىلدىڭ باسىنان بەرى 400 مىڭ اۋعاندىق ءۇيىن تاستاپ كەتۋگە ءماجبۇر بولدى. ولاردىڭ 80 پايىزى – ايەلدەر مەن بالالار.