پرەزيدەنت كومەكشىسى – قاۋىپسىزدىك كەڭەسىنىڭ حاتشىسى اسەت يسەكەشەۆتىڭ توراعالىعىمەن مەملەكەت باسشىسىنىڭ تاپسىرمالارىن ىسكە اسىرۋ – قىلمىستىق پروتسەستىڭ ءۇش بۋىندى مودەلىنە كوشۋ جانە پوليتسيانىڭ سەرۆيستىك مودەلىن ەنگىزۋ جونىندەگى جۇمىس كەڭەسى ءوتتى, دەپ جازادى Egemen.kz.
كەڭەس بارىسىندا قاۋىپسىزدىك كەڭەسىنىڭ حاتشىسى مەملەكەت باسشىسىنىڭ قازاقستان حالقىنا جولداۋىندا قويىلعان قۇقىق قورعاۋ سالاسىنداعى مىندەتتەردىڭ ىسكە اسىرىلۋ بارىسىمەن تانىستى. ول قىلمىستىق پروتسەستى جاڭعىرتۋ جونىندەگى پيلوتتىق جوبانىڭ بۇكىل ەلدى قامتىعانىن اتاپ ءوتتى. بۇل سونداي-اق قىلمىستىق ءىس جۇرگىزۋ زاڭناماسىنا ءتيىستى تۇزەتۋلەرمەن بەكىتىلگەن.
وسى ورايدا بۇل جۇمىستىڭ جەرگىلىكتى جەرلەردە قانشالىقتى دۇرىس ۇيىمداستىرىلعانىن ءتۇسىنۋ ماڭىزدى. الماتىدا قىلمىستىق پروتسەستىڭ ءۇش بۋىندى مودەلىن ەنگىزۋ قالاي ءوتىپ جاتقانى تۋرالى قالا پروكۋرورىنىڭ مىندەتىن اتقارۋشى نازارباي يبرايمولداەۆ ايتىپ بەردى.
«2021 جىلى الماتى پوليتسياسى قىلمىستىق ىستەر بويىنشا 30 225 پروتسەسسۋالدىق شەشىم قابىلدادى, ونىڭ 24 708-ءى پروكۋرورمەن كەلىسىلىپ, بەكىتىلدى. ياعني, «پروكۋرور سۇزگىسى» ازاماتتاردىڭ قۇقىق بۇزۋ سانىن 38%-عا ازايتۋعا مۇمكىندىك بەردى», دەدى يبرايمولداەۆ.
كەڭەس اياسىندا اسەت يسەكەشەۆكە قىلمىستىق ىستەردى جۇرگىزۋدىڭ جاڭا فورماتى, قىزمەتكەرلەردىڭ جۇمىس ورنىن جابدىقتاۋ جانە وڭدەلەتىن دەرەكتەردىڭ قاۋىپسىزدىگىن قامتاماسىز ەتۋ ادىستەرى كورسەتىلدى.
«قازىر الماتى پوليتسيا دەپارتامەنتىندە قىلمىستىق ىستەردى ەلەكتروندى فورماتتا جۇرگىزۋ ءۇشىن 375 جۇمىس ورنى جابدىقتالعان. ە-فورماتتى قولدانۋ پوليتسەيلەردىڭ جۇمىسىن اشىق ەتەدى, ال دەرەكتەردى قورعاۋ بويىنشا پايدالانىلاتىن تەحنولوگيالار قىلمىستىق ىستە قۇجاتتاردىڭ بۇرمالانۋىنا جانە اۋىستىرىلۋىنا جول بەرمەيدى», دەدى الماتى پد باستىعى قانات تايمەردەنوۆ.
ەلەكتروندىق فورمات قابىلداناتىن شەشىمدەردى كەلىسۋ پروتسەسىن جەڭىلدەتۋگە جانە جىلدامداتۋعا, سىبايلاس جەمقورلىق تاۋەكەلدەرىن تومەندەتۋگە جانە تەرگەۋ ساپاسىن جاقسارتۋعا مۇمكىندىك بەردى.
سونداي-اق قاۋىپسىزدىك كەڭەسىنىڭ حاتشىسى الماتىنىڭ جول قاۋىپسىزدىگىن باقىلاۋ جۇيەسىنىڭ جۇمىسىمەن تانىستى. جۇيە الماتى پد جەدەل باسقارۋ ورتالىعىنا شوعىرلاندىرىلعان 2 مىڭنان استام بەينەكامەرادان تۇرادى.
ەكىنشى ماسەلەنى تالقىلاۋعا كوشكەن اسەت يسەكەشەۆ پوليتسيانىڭ سەرۆيستىك مودەلىن پيلوتتىق رەجيمدە ەنگىزۋ پروتسەسى ەلىمىزدىڭ ءۇش وڭىرىندە جۇزەگە اسىرىلىپ جاتقانىن ايتتى.
ونىڭ ايتۋىنشا, الماتى ەلىمىزدىڭ ەڭ ءىرى قالاسى جانە مۇندا جوبانى ىسكە اسىرۋعا جاۋاپكەرشىلىكپەن قاراۋ ماڭىزدى.
«قۇقىق بۇزۋشىلىقتىڭ الدىن الۋدىڭ قازىرگى زامانعى جۇيەسىن قۇرۋ تاسىلدەرى مەن پوليتسيانىڭ سەرۆيستىك مودەلىن ەل پرەزيدەنتى جانىنداعى قۇقىق قورعاۋ جانە سوت جۇيەلەرىن رەفورمالاۋ جونىندەگى كوميسسيا ماقۇلدادى. سوندىقتان سىزدەر پوليتسيانىڭ سەرۆيستىك ۇلگىسى جۇمىسىنىڭ نەگىزگى قاعيداتىن, ونداعى اكىمدىكتىڭ, باسقا دا مەملەكەتتىك ورگاندار مەن جۇرتشىلىقتىڭ ءرولىن تۇسىنۋلەرىڭىز قاجەت. سىزدەر الماتى قالاسىنىڭ بۇكىل اۋماعىندا جيناقتالعان تاجىريبەنى تيراجداۋ ءۇشىن بازالىق اۋدان بولاتىنىن تۇسىنۋلەرىڭىز قاجەت. بۇل رەتتە, قازىردىڭ وزىندە ەڭ كريمينوگەندى اۋداندارداعى قىلمىستىڭ ناقتى كورىنىسىن قالىپتاستىرۋ جانە بۇكىل قالا بويىنشا شارالار كەشەنىن انىقتاۋ ءۇشىن ساراپشىلارمەن, قۇقىق قورعاۋ ورگاندارىنىڭ ارداگەرلەرىمەن, جوبالىق كەڭسە اياسىندا ساراپشىلارمەن جۇمىستى كۇشەيتۋ قاجەت. اتاپ ايتقاندا, قاجەت بولعان جەرلەردە بەينەكامەرالار قويۋ, ۋچاسكەلىك پۋنكتتەر سانىن ارتتىرۋ, پاترۋلدەۋدى كۇشەيتۋ, جارىقتاندىرۋدى جاقسارتۋ», دەپ اتاپ ءوتتى يسەكەشەۆ.
ول قۇقىقتىق ءتارتىپ دەڭگەيىن ودان ءارى ارتتىرۋ بويىنشا ساپالى جۇمىس جۇرگىزۋدى اتاپ ءوتىپ, بىرقاتار ناقتى تاپسىرما بەردى.
كەڭەسكە باس پروكۋرور عيزات نۇرداۋلەتوۆ, ىشكى ىستەر ءمينيسترى ەرلان تۇرعىمباەۆ, پرەزيدەنت اكىمشىلىگىنىڭ قاۋىپسىزدىك جانە قۇقىق ءتارتىبى ءبولىمىنىڭ مەڭگەرۋشىسى الەكسەي كالايچيدي جانە الماتى قالاسىنىڭ قۇقىق قورعاۋ ورگاندارىنىڭ باسشىلارى قاتىستى.
بۇل تۋرالى ءىىم ءباسپاسوز قىزمەتى حابارلادى.