قازاقستاننىڭ ەلشىسى ارمان يساعاليەۆ قاتاردىڭ ساۋدا جانە ونەركاسىپ ءمينيسترى, قازاقستان-قاتار جوعارى دەڭگەيلى كوميسسياسىنىڭ تەڭ توراعاسى ءالي بەن احماد ءال-كاۋاريمەن كەزدەسۋ وتكىزدى, دەپ حابارلايدى Egemen.kz.
كەزدەسۋ بارىسىندا تاراپتار ەكىجاقتى ساۋدا-ەكونوميكالىق جانە ينۆەستيتسيالىق ىنتىماقتاستىقتىڭ كەڭ اۋقىمدى ماسەلەلەرىن, سونىڭ ىشىندە قاتار ءامىرىنىڭ نۇر-سۇلتانعا مەملەكەتتىك ساپارىن ۇيىمداستىرۋ, تىكەلەي اۋە رەيستەرىن اشۋ, سونداي-اق ەكى ەل اراسىنداعى تاۋار اينالىمىن ارتتىرۋ ماسەلەلەرىن تالقىلادى.
سونىمەن قاتار, ەكىجاقتى ءوزارا ءىس-قيمىلدىڭ باسىم باعىتتارىن جانە قازاقستان اۋماعىندا پەرسپەكتيۆالىق ينۆەستيتسيالىق جوبالاردى ىسكە اسىرۋدى تالقىلاۋ ءۇشىن قر پرەمەر-ءمينيسترىنىڭ ءبىرىنشى ورىنباسارى - ۇاك تەڭ توراعاسى ءاليحان سمايىلوۆ باستاعان قازاقستاندىق دەلەگاتسيانىڭ دوحاعا الداعى ساپارىنىڭ كەيبىر اسپەكتىلەرى قارالدى.