اقتاۋداعى كوشەلەردىڭ بىرىندە بالا قايتىس بولدى. الدىن الا مالىمەت بويىنشا ونىڭ جۇرەگى توقتاپ قالعان, دەپ حابارلايدى Egemen.kz.
بۇعان دەيىن اقتاۋ قالاسىنىڭ تۇرعىنى الەۋمەتتىك جەلىلەردە كۋاگەرلەر 3-ىقشاماۋداندا ەس-ءتۇسسىز جاتقان 12 جاستاعى بالانى تاۋىپ العانى تۋرالى جازعان.
ء«ۇشىنشى ىقشاماۋداندا بالا قايتىس بولدى. ءبىز جەدەل جاردەم كولىگىن قىرىق مينۋت كۇتتىك. كەيىن ولار اتا-اناسى كەلمەيىنشە, ءبىز ەشتەڭە ىستەمەيمىز دەدى. اتا-اناسىن قايدان ىزدەيمىز؟ بالانى ءوتىپ بارا جاتقان ادامدار تاۋىپ السا. جەدەل جاردەم شاقىردى. ولار بولسا كومەكتەسپەدى», دەپ جازدى تۇرعىن.
ماڭعىستاۋ وبلىسىنداعى جەدەل جاردەم ستانتسياسىنىڭ ديرەكتورى ايرالبەك شيرشيكباەۆ دارىگەرلەر كەلگەن كەزدە بالانىڭ جۇرەگى توقتاپ قالعانىن, بىراق سوعان قاراماستان فەلدشەر بالانى جارتى ساعاتتاي تىرىلتۋگە تىرىسقانىن ايتتى.«توپ شاقىرتۋ العاننان كەيىن وقيعا ورنىنا توعىز مينۋتتان كەيىن كەلدى. بالا تەكسەرىلدى, بىراق جۇرەك تولىق توقتاپ قالعان. وسىعان قاراماستان, فەلدشەرلەر 30 مينۋت بويى جۇرەك-وكپە رەانيماتسياسىن جاسادى. بىراق, وكىنىشكە قاراي, بۇل ناتيجە بەرمەدى. بالانى كوشەدە ءوتىپ بارا جاتقان ادامدار تاۋىپ العان», دەدى ايرالبەك شيرشيكباەۆ.