جامبىل وبلىسىندا ەكى ءجاسوسپىرىم سۋعا باتىپ كەتتى, دەپ حابارلايدى Egemen.kz.
جامبىل وبلىسى ت. رىسقۇلوۆ اۋدانى سابدەنوۆ اۋىلىندا 11 جانە 8 جاستاعى ەكى ءجاسوسپىرىم ارنايى جابدىقتالماعان جەردە شومىلامىن دەپ, سۋعا باتىپ كەتتى.
قۇتقارۋشىلار كەلگەنگە دەيىن جەرگىلىكتى تۇرعىندار سۋدان بالالاردىڭ دەنەلەرىن شىعارىپ العان.
«قايعىلى وقيعا تۋرالى حابارلاما قۇتقارۋ قىزمەتىنە ساعات 19.00-دە كەلىپ ءتۇستى. وقيعا ورنىنا تجد-نىڭ 3 قىزمەتكەرى 1 تەحنيكامەن جانە اۋداندىق پوليتسيا ءبولىمىنىڭ 10 قىزمەتكەرى 5 تەحنيكامەن شىقتى. قازىرگى ۋاقىتتا ءولىمنىڭ ءمان-جايى انىقتالۋدا, سوت-مەديتسينالىق ساراپتاما تاعايىندالدى», دەلىنگەن وبلىستىق تجد ءباسپاسوز قىزمەتىنىڭ حابارلاماسىندا.
وبلىستىق تج دەپارتامەنتى اتا-انالاردان وزدەرىنىڭ اتا-انالىق مىندەتتەرىنە جاۋاپكەرشىلىكپەن قاراۋدى جانە بالالارىن سۋ ايدىندارىنداعى قاۋىپسىزدىك جونىندە قاراپايىم ەرەجەلەردى ۇيرەتۋدى سۇرايدى.