ايماقتاعى 21 اۋىل مەن اۋىلدىق وكرۋگ اكىمدەرىنە 4 ميلليون تەڭگەدەن استام ايىپپۇل تولەۋگە تۋرا كەلەدى, دەپ جازادى Egemen.kz.
«جول-كولىك وقيعالارىنىڭ الدىن الۋ, وبلىس جولدارىنداعى جاراقاتتانۋ مەن ءولىم-ءجىتىم دەڭگەيىن تومەندەتۋ ءۇشىن ىشكى ىستەر ءبولىمى پايدالانىمداعى جولداردى, ونىڭ ىشىندە, رەسپۋبليكالىق جانە جەرگىلىكتى ماڭىزى بار اۆتوموبيل جولدارىن ۇنەمى تەكسەرىپ وتىرادى», دەپ حابارلادى دەپارتامەنتتىڭ ءباسپاسوز قىزمەتى.
«پاۆلودار وبلىسىنداعى اۆتوموبيل جولدارىنىڭ جالپى ۇزىندىعى 5441,1 كم-ءدى قۇرايدى. جىل باسىنان بەرى ءبىز جالپىعا ورتاق پايدالانىلاتىن اۆتوموبيل جولدارىنا 890 زەرتتەۋ جۇرگىزدىك, ونىڭ بارىسىندا 2027 تالاپقا ساي ەمەس اقاۋلار انىقتالدى. ساۋالناما ناتيجەلەرى بويىنشا انىقتالعان كەمشىلىكتەردى جويۋ بويىنشا 895 بۇيرىق شىعارىلدى. اكىمشىلىك جاۋاپكەرشىلىككە 140 لاۋازىمدى جانە زاڭدى تۇلعا تارتىلدى, ونىڭ ىشىندە, 21 اۋىل مەن اۋىلدىق وكرۋگ اكىمدەرى», دەدى اكىمشىلىك پوليتسيا ءبولىمىنىڭ باستىعى نۇرجان تاڭاتاروۆ.
بارلىق ءتارتىپ بۇزۋشىلارعا جالپى سوماسى 4 ميلليون تەڭگەدەن استام ايىپپۇل سالىندى. سونداي-اق پوليتسيا 92 وتكەلدى تەكسەرىپ, قاجەتتى جول بەلگىلەرىنىڭ بولماۋى, جارىقتاندىرۋدىڭ جەتكىلىكسىزدىگى مەن كوپىر ۇستىندەگى جولدىڭ ساپاسىزدىعى انىقتالدى.