پاۆلودارسكوە اۋىلىنىڭ ماڭىندا ەرتىس وزەنىنە باتىپ كەتكەن ەر ادامنىڭ دەنەسى تابىلدى, دەپ حابارلايدى Egemen.kz Pavlodarnews.kz سايتىنا سىلتەمە جاساپ.
«12 تامىزدا ساعات 13-41-دە پاۆلودارسكوە اۋىلىندا ەرتىس وزەنىنىڭ ساعاسىنان ەر ادامنىڭ دەنەسى تابىلىپ, جەدەل اتقارۋ جاساعىنىڭ كۇشىمەن سۋدان شىعارىلدى», دەدى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىندە.
ەسكە سالا كەتسەك, پاۆلودار وبلىسىندا دەمالىس كۇندەرى ءۇش ادام سۋعا باتىپ كەتكەن. قايعىلى وقيعالار شومىلۋعا ارنالماعان جەرلەردە ورىن الدى. 8 تامىز كۇنى ساعات 17:20-دا شاۋكەن اۋىلىنىڭ ماڭىنداعى سورعى ستانتسياسىنىڭ جانىندا شومىلعان ەفرەموۆكا اۋىلىنىڭ 30 جاستاعى تۇرعىنى سۋعا باتىپ كەتكەن.
تاعى ءبىر قايعىلى جاعداي ماي اۋدانىندا ورىن الدى. مۇندا 7 تامىز كۇنى بەلايا وزەنىندە باسكول اۋىلىندا 44 جاستاعى اقسۋ تۇرعىنى سۋعا باتتى.
سول كۇنى شارباقتى اۋدانىندا شالداي اۋىلىنىڭ جانىنداعى جاساندى سۋ قويماسىندا 42 جاستاعى اۋىل تۇرعىنى اجال قۇشتى.