قىزىلوردا پوليتسەيلەرى جالپى سالماعى 352 گرامم بولتىن «مەفەدرون» سينتەتيكالىق ەسىرتكىسىن تاراتىپ جۇرگەن ادامدى قۇرىقتادى, دەپ جازادى Egemen.kz Polisia.kz-كە سىلتەمە جاساپ.
بۇل قىزىلوردادا اينالىمنان العاش الىنعان قاۋىپتى ەسىرتكى پرەپاراتتارىنىڭ ءبىرى.
جۇرگىزىلگەن جەدەل-ىزدەستىرۋ ءىس-شارالارىنىڭ ناتيجەسىندە 10 تامىز ساعات 14:30 شاماسىندا قىزىلوردادا اتىراۋ قالاسىنىڭ 23 جاستاعى تۇرعىنى ۇستالدى. ودان جالپى سالماعى 116 گرامنان اساتىن «مەفەدرون» سينتەتيكالىق ەسىرتكىسى تاركىلەندى.
كۇدىكتىنىڭ قالا ورتالىعىنان جالداعان پاتەرىنە ءتىنتۋ جۇرگىزۋ بارىسىندا ونى سينتەتيكالىق ەسىرتكى دايىندايتىن كىشىگىرىم زەرتحاناعا اينالدىرعانى انىقتالدى.
پاتەردە ساتۋعا دايىندالعان 91 داناعا بولەكتەنگەن اق ءتۇستى ۇنتاق, سونىمەن قاتار تارازى, رۋلون فولگا, ءتۇرلى-ءتۇستى يزولەنتا, سكوتچتار, ءتۇرلى-ءتۇستى بوياعىشتار, دامدەۋىشتەر انىقتالىپ, زاتتاي دالەلدەمە رەتىندە الىندى.