الكوگول ونىمدەرىن تاڭبالاۋ جوباسى تالقىلاندى

قر قم ءباسپاسوز قىزمەتى ۇسىنعان دەرەك بويىنشا, تەمەكى بويىنشا پيلوتتىق جوبا 2018 جىلدىڭ 1 قازانىندا باستالىپ, 2020 جىلدىڭ 31 ناۋرىزىندا اياقتالدى. ال الكوگول ونىمدەرى بويىنشا جوبا 2019 جىلدىڭ 1 ماۋسىمىندا باستالىپ, 2021 جىلدىڭ 1 قازانىندا اياقتالاتىن بولادى.

«الەمدىك تاجىريبە كورسەتكەندەي, بۇل تاڭبالاۋ مەحانيزمى زاڭسىز ترافيكپەن كۇرەسۋدىڭ ءتيىمدى جانە دالەلدەنگەن ءادىسى ءارى ەۋروپالىق وداق, تۇركيا, برازيليا جانە تاعى باسقا ەلدەردە بەلسەندى تۇردە قولدانىلىپ كەلەدى. ەاەو-عا مۇشە مەملەكەتتەردىڭ 2021 جىلعى 23 ساۋىردەگى شەشىمىنە سايكەس ەلدەر بۇل تاۋارلارعا مىندەتتى تاڭبالاۋدى ۇلتتىق زاڭنامالارعا سايكەس دەربەس تۇردە ەنگىزەدى. پيلوتتىق كەزەڭدە اقپاراتتىق جۇيە مەن تاڭبالاۋدىڭ قولدانىلاتىن مەحانيزمدەرىنىڭ ورىندىلىعى بيزنەس قاۋىمداستىقپەن, ونىڭ ىشىندە «اتامەكەن» ۇكپ الاڭىندا الدىن الا تالقىلانىپ تەكسەرىلدى», دەپ اتاپ ءوتتى مينيسترلىكتەن.

ايتا كەتسەك, 2020 جىلدىڭ 1 قازانىنان باستاپ ءفيلترلى تەمەكىگە, 2021 جىلدىڭ 1 ساۋىرىنەن باستاپ تەمەكى ونىمدەرىنىڭ باسقا تۇرلەرىنە مىندەتتى تاڭبالاۋ ەنگىزىلدى. قازاقستان اۋماعىندا وندىرىلگەن نەمەسە قازاقستان رەسپۋبليكاسىنا اكەلىنەتىن بارلىق تەمەكى تسيفرلىق ماركالارمەن تاڭبالانعان.

سونىمەن بىرگە, سالىق زاڭناماسىنا سايكەس وندىرۋشىلەردىڭ شىعىندارى امورتيزاتسيالىق تولەمدەر ارقىلى تولەنەتىن سالىقتان شەگەرىلۋ مۇمكىندىگى قاراستىرىلعان. تەمەكى ونىمدەرىن ساتاتىن بولشەك ساۋداگەرلەرگە, ونىڭ ىشىندە ء«ۇي جانىنداعى» دۇكەندەردە ساتۋ ءۇشىن قىمبات جابدىقتى ساتىپ الۋدىڭ قاجەتى جوق. 2D سكانەرلەرگە بالاما بولىپ تابىلاتىن «Naqty Sauda» (Android جانە IOS) تەگىن ءموبيلدى قوسىمشاسىن ورناتۋ جەتكىلىكتى. ەگەر ساتۋشى ءونىمدى ۇلكەن كولەمدە ساتاتىن بولسا, وندا ول 2D سكانەرىن ساتىپ الا الادى. بۇگىندە ونىڭ باعاسى 25 مىڭ تەڭگە شاماسىندا.

تاۋاردىڭ باسقا تۇرلەرى ءۇشىن, مىسالى, ءسۇت ونىمدەرى, قانت قوسىلعان سۋسىندار جانە باسقالارىنا پيلوتتىق جوبانى سالالىق مينيسترلىكتەر جۇزەگە اسىرادى. قارجى مينيسترلىگى ولارعا باقىلاۋ جانە اكىمشىلىك شارالاردى قولدانبايدى.