الماتى قالاسىندا قۇرىلىس ساپاسىنا سالعىرت قاراعان 44 مەردىگەر كومپانيا جاۋاپقا تارتىلدى. بۇل تۋرالى ونلاين بريفينگ بارىسىندا الماتى قالاسىنىڭ قۇرىلىستى باقىلاۋ باسقارما باسشىسىنىڭ ورىنباسارى ولجاس تولەباەۆ اقپارات بەردى, دەپ حابارلايدى Egemen.kz.
«تەكسەرۋ قورىتىندىسى بويىنشا جىل باسىنان بەرى قۇرىلىس ساپاسىنا اسەر ەتەتىن بۇزۋشىلىقتار جاساعانى ءۇشىن 44 مەردىگەر جاۋاپكەرشىلىككە تارتىلدى. ليتسەنزيادان كەيىنگى باقىلاۋ ناتيجەسىندە 42 ليتسەنزيانىڭ قولدانىلۋى ۋاقىتشا توقتاتىلىپ, 360 ليتسەنزيانىڭ قىزمەتى مۇلدەم توقتاتىلدى. قۇرىلىس الاڭدارىندا باقىلاۋدى دۇرىس جاساماعانى ءۇشىن 15 تەحنيكالىق قاداعالاۋ ۇيىمى جاۋاپكەرشىلىككە تارتىلدى. وعان قوسا 4-ەۋىنىڭ ساراپشى كۋالىگىنىڭ قولدانىلۋىن ۋاقىتشا توقتاتىلدى», دەپ ءتۇسىندىردى ول.
سونىمەن قاتار, ول سالىنىپ جاتقان نىساندار جونىندە مالىمەت بەردى.
«التى ايدىڭ ىشىندە سالىنىپ جاتقان وبەكتى سانى – 989. ونىڭ ىشىندە 338-ءى پايدالانۋعا بەرىلدى, 651 وبەكتى سالىنىپ جاتىر. اتاپ ايتساق, بيۋدجەتتىك - 209, كوممەرتسيالىق - 442 نىسان بار. قۇرىلىس الاڭدارىندا 323 قۇرىلىس كومپانياسى جانە 135 تەحنيكالىق قاداعالاۋ ۇيىمى جۇمىس ىستەپ جاتىر», دەدى ولجاس تولەباەۆ.